النقابة خسَّرتني أصحابي.. ملخص تصريحات هاني شاكر ببرنامج حبر سري
فن
هاني شاكر
حل الفنان هاني شاكر، ضيفًا على برنامج حبر سري، أمس، المذاع على شاشة القاهرة والناس، كشف خلاله نقيب المهن المسوميقية، موقفه من مطربي المهرجانات، وعلاقته ببعض أصدقائه الفنانين في الوَسَط.
وفي السطور التالية، نستعرض أبرز تصريحات هاني شاكر في برنامج حبر سري:
- رأي إيمان البحر درويش فيَّا تحصيل حاصل بالنسبة لي.
- أتشاور مع بعض النواب للسيطرة على المهرجانات في اليوتيوب.
- لو عندي سُلطة.. همنع مطربي المهرجانات من الغناء بالسعودية أيضًا.
- محمد ثروت ظلم نفسه فنيًا.. وشغله الخاص واخده مننا.
- أنا مش بخيل ولا مبذر.. وبحب أعمل الصح.. والفلوس تبقى في مكانها.
- لو المهرجانات بقت لون سائد في العالم يبقى يوم القيامة قرب.
- النقابة خسرتني أصحابي.. لأن كل واحد بيتكلم لمصلحته.
- شباب كتير قابلوني فرحانين بمنع المهرجانات.
- لو كيفي كده.. لـ ويجز.. عملها بعد ما مضى التعهد واجتاز اختبارات النقابة.. يبقى لازم يغير الكلمات.
- كزبرة بيغني حلو وصح ولحن أغنيته حلو.. ولكن في هيافة.
- كنت أتمنى أكون موجود على الساحة الفنية فترة الستينيات وقت ما كانت الدولة والفن إيد واحدة.
- ربنا عارف إن المهرجانات إسفاف وابتذال وغير أخلاقية.. وأنا هقف بين إيديه ومش هضحك عليه.
- أنا بعمل اللي بيمليه عليا ضميري واللي يهمني ربنا.
