والدة عريس ضحية زوجته بسب خلاف على العشاء بالدقهلية: ضربته قبل كده بمقص
قدم القاهرة 24 بثا مباشر، مع والدة عريس الدقهلية الذي قتلته زوجته بسب خلاف علي إحضار العشاء بقرية قرية المنيل التابعة لمركز الستاموني.
وقالت والدته: ابني رجع الساعة 9 ولما طلع شقته سمعت صوته عالي قولت لابني: هطلع أشوف أخوك قالي لأ بس كان قلبي مش مطمئن، طلعت لقيته هو اللي بيفتح الباب، وكان بينزف، وبيقولي: شوفي مراتي ضربتني بالسكينة، وكانت هي واقفة ماسكة السكينة وبيتقولي هموتهولك علشان ترتاحي، واتهجمت عليه بالضرب، ولكن أنا كنت خايفة على ابني وأخدناه للدكتور ولكن كان مات.
وأضافت أم الضحية: كان دائما في خلافات بينهم مثل أي زوجين ولكن في مرة ضربته بالمقص في رأسه، ومن يوم الزواج وهي واخده الدهب ورافضة ترجعه، وكانت دائما تسبني، وأمها السبب هي اللي كانت بتقويها علينا، حسبي الله ونعم الوكيل.
وتابعت: هي كانت ناوية تقتل ابني وكان أخوها منتظرها لما أخدنا ابننا للدكتور هربت هي وأخوها، عبد الخالق كان طيب ومحترم والناس تشهد له، لسه مفرحش بحياته.
واختمت الأم المكلومة: أنا بطلب بحق ابني منها ومن أهلها، زي ما قتلت تموت، وإن شاء الله القضاء يجيب حق ابني.
