الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

شريفة ماهر تكشف تفاصيل أزمتها مع أبنائها: ضربوني وشتموني ومضوني على ما أملك

شريفة ماهر
فن
شريفة ماهر
الأحد 12/ديسمبر/2021 - 10:44 م

قالت الفنانة شريفة ماهر، إنها تملك الجنسية السويدية، لكنها تفضل الإقامة في مصر دائمًا، مردفة: مش بطيق أقعد هناك شهر، والسويديين بيحبوا السيسي وبيقولوا لي ديموقراطي، ربنا يديله الصحة، قعدت مع جميع ملوك العرب مشفتش حد بيتعامل مع الأطفال زي الرئيس السيسي، ربنا أعطانا الرئيس السيسي هدية.

وتطرقت خلال حوارها مع الإعلامية بسمة وهبة مقدمة برنامج 90 دقيقة على قناة المحور، إلى خلافاتها مع أبنائها، متابعة: وزعت جزء كبير من ميراثي، شريف وطارق شتموني، شريف زقني مرتين ودراعي اتكسر من 4 سنين، ولادي أخدوا كل اللي حيلتي، وشريف قالي هقلعك هدومك.

وحول ابنتها ناهد، قالت: مش حنينة وقلبها جامد عليّ منها لله وقلبها أجمد من أخواتها ومسألتش عليّ، وشريف طول عمره بيحب الفلوس أكتر من أبوه وأمه، بيعبد القرش.

وأشارت الفنانة شريفة ماهر، إلى أنها اعتزلت الفن وارتدت الحجاب منذ 45 عاما، وأطلقت الكثير من المشروعات العقارية، قائلة: في فيلم أعز الحبايب شكري سرحان ضربني بالقلم وعيني جابت دم، ومبقتش أشوف كويس وشريف استغل الحكاية دي وكان بيمضيني على العقد وكتير أوي، مضاني على 4 عقود معرفش فيهم ايه.

وتابعت: مش هشتكيه وربنا هيجيب لي حقي، وطلب مني يروح يقعد معايا في شقة جاردن سيتي، ومضاني وأنا مش بشوف على حاجتي مش بتاعتي وهي الشقة دي الإيجار، وأبوه قبل ما يموت قالي هأمنك عشان شريف لما هموت هيقلعك هدومك وفعلا طول عمره بيعبد الفلوس، ومكنتش أتخيل إنه يعمل فيّ كده، بقاله 9 أشهر مقاليش انتِ فين.

ولفتت ماهر إلى أنه طردها من شقتها التي كانت تقيم فيها بمنطقة جاردن سيتي بنظام الإيجار، مردفة: قاعدة في العمارة بتاعتي في المهندسين وكاتباها باسم بنتي نيفين، وحد قالي إن شريف طلب الفيلا من الشهر العقاري رغم إن نيفين مسجلاها، وفعلا استولى عليا شريف خان الأمانة.

تابع مواقعنا