الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

منة عرفة عن زواجها من رجل مُطلق: محمود عنده خبرة التعامل مع الستات | فيديو

منة عرفة ومحمود المهدي
فن
منة عرفة ومحمود المهدي
الإثنين 27/ديسمبر/2021 - 10:24 ص

كشفت الفنانة منة عرفة، سبب قبولها الزواج من زوجها الفنان محمود المهدي، رغم زواجه مرتان قبلها وإنجابه أطفالًا.

وقالت منة عرفة خلال لقائها مع الإعلامي نزار الفارس ببرنامج مع الفارس، ردًّا على السؤال الثاني: ليه تتجوزي راجل متجوز مرتين وعنده أولاد؟، لترد منة عرفة، قائلة: أنا واحدة أول مرة أتجوز ويبقا عندي راجل أبقى مسئولة منه، محمود عشان اتجوز قبل كدا فعنده الخبرة دي، بيعرف يتعامل مع الست إزاي.

وأضافت منة عرفة: محمود عارف يعني إيه مسئولية، والدنيا كلها مطلقة، ولو اتطلقنا في المستقبل دا هيبقا نصيب، مش لأنه طلق قبل كدا.

وأوضحت أنها قررت عدم الظهور مع زوجها في لقاءات صحفية أو إعلامية، بسبب الجدل المثار حولهما، قائلة: مش هو اللي رافض بس، أنا كان عندي رفض تام، وواخدين قرار أننا منعملش أي لقاءات صحفية أو تليفزيونية ثاني، لأن لقينا حياتنا أهم من كل الكلام اللي هيحصل، أحنا اللي عملنا كده للأسف ولازم نتعلم من خطأنا، مفيش حد يتشهر أكتر لأن كل واحد فينا ناجح في مجاله.

 

طلاق منة عرفة

وأشارت منة عرفة إلى أنها تلقت الكثير من الشماتة بعد إعلان خبر انفصالها، قائلة: فيه ناس كتير فرحت من خبر طلاقي، فيه ناس كانوا عاملين رهان أننا هنطلق، وهو ده بقى السبب الرئيسي لغرضي وغرض محمود أننا منطلعش ثاني، أول لما يلقوك وقعت بيعملوا فرح عليك، شوفنا كمية سواد وتنمر وحقد وشماتة في موضوع الطلاق رهيبة.

تابع مواقعنا