ملعبتش في دوريات ألاضيش.. حرب كلامية بين ميدو وكوكا على تويتر

شهد موقع التواصل الاجتماعي تويتر اشتباكات لفظية، بين أحمد حسام ميدو نجم الزمالك الأسبق، وأحمد حسن كوكا مهاجم منتخب مصر وقونيا سبور التركي.

بداية الأزمة بين ميدو وكوكا

بدأ أحمد حسام ميدو الاشتباك اللفظي مع كوكا، بعدما رد الأول على تغريدة تناولت إنجاز مهاجم قونيا سبور بالوصول إلى الهدف رقم 99 في مسيرته الاحترافية، ليعلق: مهاجم متواضع لا يصلح للمستوى الدولي حتى ولو أحرز 1000 هدفا.

وبعد ذلك قرر أحمد حسن كوكا الرد على هجوم ميدو قائلًا: مهاجم متواضع؟.. أولا هو أنت أصلا مين طلب رأيك؟.. ثانيا: أنت مبطل كرة وأنت عندك 29 سنة، وكل الناس عارفة ليه.

واستكمل كوكا رده على هجوم ميدو: ثالثًا لو رقم الأهداف اللي أنا جايبه شايفه قليل، مجبتوش أنت ليه؟، مع إن اللي بيلعب في نادي أكب فُرَصُه بتكون أكتر في التسجيل.

وتابع أحمد حسن كوكا: رابعًا حاولت تبقى مدرب ومبتكملش شهر في أي نادي، خامسًا بتحاول تبقى إعلامي وتتكلم عن ده وده، عشان تبقى تريند بأي شكل أي حاجة عايز تدخل فيها، ده حتى محمد صلاح في أول مشواره كنت بتتكلم عليه وحش، الحقد عالي أوي عندك من زمان، وأنت بتتكلم وحش عني.

ولم يكتف كوكا بكل ذلك وواصل: أنا عارف إن أكبر غلط إني أرد عليك، وأنت فاضي وعندك برنامج تتكلم فيه كل يوم، بس أنا بردو مش هيهدني كلامك وهفضل في طريقي، مركز في مستقبلي، ومش عايز حاجة من الناس بعد ما أبطل كورة، وبعد أما أموت غير السيرة الحلوة.

ميدو يواصل هجومه على كوكا

ثم رد بعدها أحمد حسام ميدو على حديث كوكا مواصلًا الهجوم: عمري ما روحت المنتخب علشان مناسب حد مهم، أنت عارف كويس أنت كنت بتروح المنتخب ليه، رد في الملعب حاول تروح المنتخب، أنت لاعيب تعبان وكل مؤهلاتك نسبك وأنت عارف كويس.

وواصل ميدو انتقاداته: عمري ما لعبت في دوريات ألاضيش اللي إنت بتلعب فيها، يا أهبل مصر كلها بتقول أنك لاعيب على ماتفرج مش أنا بس، وتاني أنت عارف كويس أنت كنت بتروح المنتخب ليه.

واختتم ميدو هجومه: سيرة حلوة إزاي وإنت مبتعرفش تلعب، مفيش حد هيجيب سيرتك لا بالحلو ولا بالوحش.

وخاض أحمد حسن كوكا خلال هذا الموسم 19 مباراة رفقة قونيا سبور، أحرز 4 أهداف، وصنع هدفين آخرين، كما ساهم في وصول فريقه لدور الـ 16 لكأس تركيا.