تامر حسني: حفلاتي مكلفة ولكني عايز أفرح وأبهر الجمهور
حل الفنان تامر حسني ضيفًا على الإعلامية منى الشاذلي، ببرنامج معكم، عبر شاشة قناة cbc، لتكون سهرة القناة والبرنامج للاحتفال بموسم رأس السنة.
وبدأ تامر حسني الحلقة بتقديمه أغنية حلو المكان، مع تفاعل كبير من الجمهور الموجود بالاستوديو، كما عرض البرنامج مقطع فيديو تناول خلاله ما قدمه تامر للجمهور، على مدار 2021 من أفلام وحفلات وأغانٍ.
تامر حسني: عايز أبهر وأفرح الجمهور
وقال تامر حسني: مبدأ حفلاتي هو إني طالع بفرح الجمهور مش غنا بس، وعايز أبهر وأفرح الجمهور ولما حد من برا مصر يشوف الحفلات عندنا بيحصل فيها إيه يقول إنه شبه اللي عندنا وللأمانة هو مكلف ولكن التكاليف الكتير اللي على المسرح بحاول يبقى فيها ابتكار مش مجرد تكاليف على الفاضي.
وأضاف تامر حسني: أنا بشتغل عشان الجمهور وأعبر عنهم، وكنت عايز أبقى فنان شامل وكل جزء أنا دخلته عملت فيه حاجة ناجحة تضيف لتاريخي أنا بكتب وبلحن لنفسي، 90% من أفلامي كنت أنا المؤلف.
وأشاد تامر حسني بالتعامل مع الملحن عز الشافعي، قائلًا: عزيز الشافعي ملحن عنده وجهة نظر وشاعر وبقالي سنتين بتعامل معاه وربنا يكرمه وديمًا بكتبله رسالة ربنا يبارك في موهبتك وديمًا أغانيه مميزة معايا ومع غيري.
أعمال تامر حسني
يعد فيلم مش أنا هو آخر أعمال تامر حسني الفنية، الذي طُرح في موسم الصيف الماضي 2021، وحقق من خلاله نجاحًا كبيرًا، حيث تخطت إيراداته نحو ربع مليار جنيه على مستوى الوطن العربي.
