مرتضى منصور: أنا مش تلميذ يا كارتيرون وسمعت رسالتك وعارف كل حاجة
تحدث المستشار مرتضى منصور، رئيس نادي الزمالك، مع الفرنسي باتريس كارتيرون المدير الفني للفريق الأول، عما يخص الفريق في الوقت الحالي وإنهاء خلافات الماضي.
وقال مرتضى منصور خلال فيديو لجلسته مع المدير الفني الفرنسي: نسيت اللي فات ومحدش هايجبرني إني أقعّد مدرب غصب عنه، إنت موجود عشان مدرب ناجح وعلاقاتك باللاعبين مميزة، والفلوس مش كل حاجة، وأنت بقالك هنا 5 سنين عرفت طباع الشعب المصري الطيب وتمسكهم بيك.
وأوضح رئيس الزمالك: أنت فاكر الرسالة اللي أنت بعتهالي بالخطأ وطلعت قلت أنا معرفش رقم رئيس النادي، أنا مش تلميذ يا كارتيرون، وعارف كل حاجة، وعليك أن تركز جيدا في القادم داخل الملعب.
أبعد وكيلك لأنه أهلاوي
وأضاف: «أنا ليا طلب عندك أبعد وكيلك حازم فتوح عنك، وخلي تعاملك معانا مباشرة، لأن انتماءه للنادي الأهلي، وأنا سمعت الفويس اللي انت بعتهوله وبحييك عليها.
وأكمل: عاوزين نبدأ صفحة جديدة، من أجل حصد البطولات، ورفضت العودة فور الحصول على الحكم، لأنه كان هناك مباراتان حاسمتان، من أجل توفير الاستقرار، والحمد لله حققنا الفوز ونحن الآن في صدارة بطولة الدوري العام، وعلى الطريق الصحيح.
وشدد مرتضى منصور: قررت الاستعانة باثنين مساعدين لك مدحت عبد الهادي وأمير عزمي مجاهد، من أجل مساعدتك، وليس لشيء آخر وأتمنى لك التوفيق في القادم ونحن داعمون لك حتى النهاية.
