رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

طارق الشناوي: وحيد حامد كتب فيلم أنا وأنت وساعات السفر عن موقف حقيقي له

مشهد من فيلم أنا
فن
مشهد من فيلم أنا وأنت وساعات السفر
الأحد 02/يناير/2022 - 11:07 م

تحدث الناقد طارق الشناوي عن فيلم أنا وأنت وساعات السفر، تأليف السيناريست الراحل وحيد حامد وبطولة يحيى الفخراني ونيللي، وذلك في الندوة التي أقيمت في قصر السينما والثقافة لإحياء الذكرى السنوية الأولى للكاتب الراحل.

وقال طارق: أنا وأنت وساعات السفر بالنسبة لي سيناريو فيه حرفة قوية وهو كان مسلسل إذاعة ناجح جدا، وكان موقفا حقيقيا عاشه الراحل وحيد حامد. 

وواصل الشناوي: لما كان وحيد يعمل في الإذاعة، وساعتها الإذاعة رفضت له عمل، فقرر وحيد أنه يروح اسكندرية، وحكى لي قائلا: أنا كنت زعلان في الطريق ولقيت واحدة حلوة بتبص لي وساعتها قررت أكتب أنا وأنت وساعات السفر.

طارق الشناوي: وحيد حامد سامح الجميع ولم يهاجم الجيل الجديد

 

وأضاف طارق الشناوي: وحيد عمره ما هاجم الجيل الجديد لأن وحيد نفسه من الجيل الجديد وكان يبشر بالكتاب الجدد ويشجعهم. والكاتب الراحل سامح الجميع من جواه اللي هاجموه في حياته وبعد الرحيل كمان، بسبب الغيرة المهنية. 

وأضاف طارق: وحيد كان بيشتغل مع الجيل الجديد واللي أصغر من ابنه مروان، وكان مؤمن بأن الدنيا بتتغير ولازم يواكب العصر، وكانت عنده نظرة مستقبلية وكان بيشوف شيء أبعد من مجرد الإيرادات.

تامر عبد المنعم: وحيد حامد تنبأ بثورة 25 يناير 

 

فيما كشف تامر عبد المنعم عن موقف دار بينه وبين الكاتب الراحل وحيد حامد وقال: كان صادقا وكاشفا، وصاحب نظرة مستقبلية، وحصل بيننا موقف في عام 2010، كنت مرة معاه وكان فيه كوباية شاي سخنة وقال لي امسكها جامد قولتله هتتكسر وهتعور قالي بالظبط ودا اللي هيحصل لأنه الأمن ضاغط والدم هيغرق الدنيا.

تابع مواقعنا