الخميس 28 مارس 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

شقيقة ضحية الصور المفبركة بالغربية: أختي انتحرت بسبب كلام الناس | بث مباشر

شهدت قرية كفر يعقوب، بمحافظة الغربية، واقعة تخلص فتاة تبلغ من العمر 17 عامًا من حياتها، وتدعى بسنت خالد، وذلك بعدما نشر شخص صور لها مفبركة ومنسوبة إليها، على منصات إلكترونية مختلفة، وبعد ذلك تواصل معها عبر هاتفها الشخصي، وهددها بنشرها إذا لم توافق على إقامة علاقة غير شرعية معه.

تفاصيل انتحار بسنت ضحية الصور المفبركة 

وروت شقيقة بسنت خالد ضحية الصور المُفبركة، تفاصيل الواقعة، قائلة: يوم الحادثة بسنت كانت في درس برة البلد، وبابا رجع البيت ومعاه الصور وفيديوهات وراها لماما وقالها شوفي بنتك، وكانت وصلتله الصور من ابن أخته، لكن أمي ماصدقتش أن اللي في الصور دي بسنت وقالتله دي مش بنتي.

وأما عن المواجهة بين بسنت وأسرتها، قالت شقيقة الضحية: بسنت لما رجعت وشافت الصور قالت لماما دي مش أنا وإنتي عارفاني مش بعمل الحاجات دي وكانت ماما مصدقاها.

سبب فبركة الصور 

وعن السبب وراء فبركة الصور وانتشارها بهذا الشكل بين أهالي القرية، قالت شقيقة بسنت على لسان الضحية: كان في 2 شباب عايزين يكلموني، وأنا رفضت، وكانوا كل شوية يكلموني على الواتساب، وبعملهم بلوك، لحد ما هكر الموبايل وخد الصور وركبهم على جسم واحدة تانية وهددني أنه هيفضحني بيهم، وقالي إنتي بتتكبري علينا وده وحش وهيجيبك الأرض.

واستكملت شقيقة بسنت حديثها، أن شقيقتها بعدما روت تفاصيل الابتزاز التي تعرضت له، قررت الانتحار عن طريق حبوب الغلة، وقالت: أتوضت وصلت الجمعة، ولقيناها مرمية في الأرض، وديناها المستشفى، ولما فاقت قالت أنا ماكنش عايزة أعمل كدة في نفسي لكني زهقت، من كلام الناس عليا، وماتت تاني يوم. 

رسالة بسنت 

وتركت بسنت خالد ضحية الصور المفبركة، خلفها رسالة مبكية للأسرة، قائلة بها: ماما يا ريت تفهميني أنا مش البنت دي، ودي صور متركبة والله العظيم وقسمًا بالله دي ما أنا.. أنا يا ماما بنت صغيرة مستهتلش اللي بيحصلي ده أنا جالي اكتئاب بجد، حرام عليكم أنا متربية أحسن تربية.