رانيا يوسف: الزواج متعة وليس أكتر ومحتاجة راجل يحترم إني برجع من شغلي 5 الفجر
تحدثت الفنانة رانيا يوسف عن تعريف الزواج بالنسبة لها، موضحة أنه متعة وهي لا تحتاج إلى رجل، بجانب الحديث عن حبها للسفر ولقبها المفضل.
وقالت رانيا يوسف خلال لقائها مع الإعلامية إنجي أنور، في برنامجها مصر جديدة عبر شاشة ETC: الزواج بالنسبة لي متعة، وحاجة نفسية ومعنوية مش أكتر، وأنا مش محتاجة راجل، أصل هعمل إيه بشريك حياة يعني، أنا عايزة راجل يحترمني ويحترم ظروف شغلي لأني برجع من البيت 5 الفجر، والراجل بيتغير بعد 3 شهور من الزواج، والراجل المصري بيبقى ملاك أول 3 شهور بس بعد كدا مش بتعرفيه.
وواصلت: مش محتاجة راجل يصرف عليا لأن أنا لولا شغلي مكنتش هعرف أربي بناتي وأعيشهم في حياة كويسة، وأنا في حالة حب مع بناتي، وبحاول أقضي معاهم أكبر وقت ممكن وبستمتع معاهم طول ما أنا معنديش شغل، وبحب السفر لأني كنت مضيفة 3 سنين وبحوش طول السنة عشان أطلع شهر أسافر في أي دولة، وبحب دولة إسبانيا بالذات، ونفسي أروح الهند.
اللقب المفضل لرانيا يوسف
وكشفت رانيا يوسف اللقب المفضل بالنسبة لها، قائلة: أنا بحب اسمي رانيا يوسف بس بردو بحب الناس تقولي يا بطل، وبلاقي دايما الناس بتقولي كدا على مواقع التواصل الاجتماعي خصوصا انستجرام، ولقب يا وحش لذيذ بردو.
