الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

عذبنا الممثلين وصورنا بالـ 30 ساعة.. عمرو محمود ياسين يحتفل بانتهاء تصوير نصيبي وقسمتك 4

عمرو محمود ياسين
فن
عمرو محمود ياسين
الثلاثاء 18/يناير/2022 - 05:20 م

احتفل السيناريست عمرو محمود ياسين بانتهاء تصوير الجزء الرابع من مسلسل نصيبي وقسمتك، الذي يجري عرضه حاليًا.

وكتب عمرو محمود ياسين في منشور عبر حسابه الرسمي بموقع التواصل الاجتماعي فيسبوك: فركش أخيرًا مسلسل نصيبي وقسمتك 4، بأمانة شديدة احنا  كان معانا وحوش مش كروو.. بجميع الأقسام من إنتاج، إخراج، تصوير وإضاءة، مونتاج صوت ومكساج، ديكور، ملابس، مكياج، بوفيه، سواقين.

وتابع عمرو محمود ياسين منشوره: وطبعًا كمان الممثلين بكل حكاية، بصراحة كانوا بيجوا نعذبهم والضحايا كتير.

واستكمل عمرو محمود ياسين: بس الناس لازم تعرف أن كل الحكايات اتكتبت على الهواء، اتصورت على الهواء، اتمنتجت على الهواء، في سباق رهيب مع الزمن  لم أراه من قبل، شيء محدش يقدر يتخيله..  بجد اللي حصل في المسلسل ده محدش يتخيله لأننا اضطرينا نشتغل في توقيت معين وأخدنا الريسك.. فانا أسف لو في أي تقصير، من أي حد فينا.

عمرو محمود ياسين يحتفل بانتهاء تصوير نصيبي وقسمتك 4

وأكمل عمرو محمود ياسين: أنا عايز أشكر كل  الناس فرد فرد، لأن كلهم كانوا أبطال وبيشتغلوا بـ 30 ساعة وأكتر.. بس أحب أُشير للدايرة القريبة مني في الشغلانة اللي هما كانوا أكبر عون لي وكنت بتعامل معاهم  طول الوقت.

واختتم عمرو محمود ياسين منشوره: المنتج المحترم وصديقي أحمد عبد العاطي.. شريك الرحلة لللي بنشيل الهم سوا، المخرج المنفذ أحمد عمر اللي بينيمني ويصحيني على مزاجه ويرسم لي الطريق، أعمل إيه ومعملش إيه.. المشرف العام على الإنتاج ماجد جاب الله المنتج الفني أيمن شوقي، ومدير إدارة الإنتاج وليد الحسيني اللي دايمًا بيطمني، أنه كله تمام حتى لو مش كله تمام بس بيعالجني نفسيا، ومدير الإنتاج  أيمن عباس وجميع أفراد طاقم الانتاج.

تابع مواقعنا