الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

يحيى الفخراني: عشت مشاهد الكيف في الحقيقة.. ولهذا السبب لم أشارك في العار

يحيى الفخراني
فن
يحيى الفخراني
الثلاثاء 18/يناير/2022 - 11:59 م

تحدث الفنان القدير يحيى الفخراني، عن كواليس فيلم الكيف، كما كشف سبب رفضه المشاركة في فيلم العار.

وقال يحيى خلال لقائه مع الفنانة إسعاد يونس في برنامجها صاحبة السعادة عبر شاشة DMC: قررت قبل فيلم الكيف أشوف مشاهد انسحاب المخدرات من الجسم في الحقيقة، وفعلا قابلت بنت جاتلي مخصوص، وقعدنا مع بعض طول اليوم ولحد 3 الفجر بدأت أعراض الانسحاب وشوفت كل حاجة وشوفت الإفرازات وهي بتطلع من فمها.

وواصل الفخراني: وفي فيلم الكيف جسدت كل اللي شوفته في الحقيقة، ورفضت أحط مكياج في الفيلم بس إيدي اتهزت في المشهد بتاع الانسحاب، ومقدرتش أعيده تاني في نفس الوقت لأنه كان صعب، بس عملته تاني يوم.

سبب رفض يحيى الفخراني فيلم العار

وكشف يحيى الفخراني، سبب رفضه المشاركة في فيلم العار، قائلا: لم أشارك في فيلم العار بسبب الدور، لأني كنت عايز أعمل دور وكيل النيابة، وجالي محمود أبو زيد وعلي عبد الخالق البيت عشان نتفق على الفيلم، ومحدش قالي هعمل دور إيه وأنا افتكرت هعمل دور وكيل النيابة.

وأضاف يحيى الفخراني: لأن دا الفيلم وكيل النيابة اللي بيتاجر في المخدرات وأنا مستني يقولولي وكيل النيابة بس قالولي هتعمل الدكتور، وبدأت أتهرب منهم لأني مش عايز أعمل الدور دا، ووكيل النيابة أخده حسين فهمي لأنه كان زميل محمود أبو زيد وعشان كدا هو كان أول ترشيح، واعتذرت عن الفيلم.

تابع مواقعنا