بث مباشر| فرد الأمن المتهم في واقعة شدوى الحضري: لو رجع بيا الزمن هعمل أكتر من كدا

قال عبدالمنعم إبراهيم خالد، فرد الأمن المتهم بالتعدي على شدوى الحضري وإحداث تلفيات بسيارتها، أمام كمبوند بالشيخ زايد، بعد خروجه بكفالة: حسيت حريتي رجعتلي، لأن حياتي كانت اتاخدت مني في لقطة.

وأضاف: الإحساس اللي أنا حسيته صعب حد يعرفه، أنا أول مرة أعيط.. وكنت أول مرة أنزل شغل قبل ما أروح الجيش، لأني بحب أعتمد على نفسي ومحدش يصرف عليا.

وتابع عبدالمنعم: عمري ما هرجع أشتغل في الكمبوند تاني، على الرغم من إن الشركة وقفتلي محامي.

وعن بداية المشاجرة قال عبدالمنعم، إنه كان واقف على البوابة الرئيسية عندما نزل أحد الأشخاص من سيارته وطلب أن يركن في مكان معين مرفوض أن يركن فيه أي شخص، وعندما منعه سبه ونزل باقي أصدقائه من السيارة وسبّوه جميعا واستفزوه، وأضاف: شتموني بالأم، وأنا كنت بدافع عن كرامتي، ولو رجع بيا الوقت هعمل أكتر من اللي عملته، لأني عمري عما أقبل الإهانة على نفسي.

واستكمل أنهم كانوا حوالي 20 واحد، وبعدها أتوا غيرهم كتير، وأتوا بأسلحة وجردات، ووقتها قولت أنا خلاص مت وانتهيت، لأنهم كانوا بيضربوا طلقات نارية، وكسروا البوابة وبعد ما حد طلعني فوق جم ورايا بالأسلحة وكانوا هيقتلوني، لحد ما الشرطة جت وحسمت الموقف.

وتابع فرد الأمن المتهم بالتعدي على شدوى الحضري، ابنة الكابتن عصام الحضري، إنها لم تكن ضمن المشاجرة.

تنازل عصام الحضري

والجدير بالذكر أن كابتن عصام الحضري تنازل عن المحضر الذي قدمته ابنته شدوى الحضري ضد فرد الأمن لتهشيم سيارتها، ومن ثم خرج الشاب عبدالمنعم بكفالة مالية قدرها 10 آلاف جنيه.