حمو بيكا لهاني شاكر: روحت أمتحن في نقابة الموسيقيين ورفضوا يدخلوني.. واعتبرني ابنك | فيديو
وجّه مؤدي المهرجانات الشعبية حمو بيكا، رسالة لنقيب المهن الموسيقية والفنان هاني شاكر، متمنيًا الرجوع لغناء المهرجانات الشعبية مرة أخرى.
وقال حمو بيكا عبر مداخلة هاتفية في برنامج كلام الناس، مع الإعلامية ياسمين عز المذاع عبر شاشة MBC مصر: أنا نفسي أشتغل يغيروا اسمي بقى ولا يعملوا اللي عايزينه براحتهم، أنا فيه ناس فاتحة بيوت من ورا مني، أنا لو لوحدي مش هيفرق معايا إنما أنا اللي يهمني الناس اللي معايا.
وواصل بيكا: أنا فاتح 3 مطاعم وكافيه ومشغل ناس تاني برضه، وأنا مصدر رزق للناس دي والمطاعم مكسبتش منها حاجة وبطلع المرتب من جيبي للموظفين.
رفض نقابة المهن الموسيقية تأدية حمو بيكا للامتحان
وأضاف حمو بيكا: كل مطربين المهرجانات الشعبية أخدوا تصريح من نقابة المهن الموسيقية وكارنيه، ومفيش غيري ممنوع من الغناء لحد دلوقتي، وكان المفروض الامتحان بتاعي مع نقابة المهن الموسيقية اللجنة اللي فاتت، وروحت ورفضوا يدخلوني عشان أمتحن.
ووجه حمو بيكا رسالة لهاني شاكر، قائلا: اعتبرني ابنك أو عيل من عيالك وقدرني زيهم أنا عايز آكل عيش.
آخر أعمال حمو بيكا
والجدير بالذكر، أن حمو بيكا طرح عددا من المهرجانات الشعبية على موقع الفيديوهات يوتيوب، ومن بينها مهرجان عركة مع بيكا، ومهرجان انتعاش في أوض الإنعاش، ومولود مع العفاريت، وتعاون حمو بيكا مع عمر كمال في العديد من المهرجانات الشعبية قبل خلافه معه، ومن بينهم مهرجان قمر التيك توكاية، ومستفزة.
