رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

المخرج مراد منير: ماشتغلتش من 7 سنين.. ولو الدولة وفرت لي شقة هعمل 5 مسرحيات ببلاش | فيديو

المخرج مراد منير
فن
المخرج مراد منير
الجمعة 21/يناير/2022 - 10:47 م

كشف المخرج مراد منير زوج الفنانة الراحلة فايزة كمال مدى صعوبة السنوات الماضية في حياته، مشيرًا إلى أنه لم يعمل منذ 7 سنوات، رغم طرحه لأفكار مشاريع وتحديد ميزانيات العمل، إلا أن المسئولين عن المسارح يرفضون عمله.

وقال مراد منير لـ القاهرة 24: هبقى ممتن جدًا للدولة لو وفرت لي شقة وهعملهم 5 مسرحيات ببلاش، وأنا لم يعد لدي طموح ومش عايز أعمل مسرحية عشان أتشهر لا عشان البلد دي تستاهل مني إني أديها.

وأضاف مراد منير: أنا بقالي 7 سنين معملتش مسرحية وطوال السنوات بطرح مشاريع وأعمل ميزانيات وأجيب نجوم والمسئولين مابيرضوش ولا أُبالغ في الأجور، ماجريتش ورا الفلوس وده اللي خيبني وخيب ولادي واللي باقيلي احترامي لنفسي.

وتابع مراد منير: فيه مشكلة إن اللي ماسكين المسارح يا إما غيرانين مني وواحد تاني قالي سبب غريب أوي وهو أصل لما انت بتنزل بتنجح أوي وبتجرّسنا لأن لما بتمشي الناس بتقول ما المسرح اهوه، وبعدها مابنعرفش نعمل زيك فالأحسن نركنك، وبتكلم جد والله.

وأشار مراد إلى أن الفنان أشرف زكي نقيب المهن الموسيقية تواصل معه لحل تلك الأزمة، مؤكدًا أن ما في الإمكان هو زيادة عدد الأيام التي تبقيه في المنزل لحين إيجاد منزل آخر ينقل له المخرج، كما أن هناك أحد أعضاء مجلس النواب تواصل معي لحل تلك المشكلة.

وأوضح المخرج مراد منير أن المشكلة تكمن في إصرار مالكة الشقة على طرده من الشقة رغم إمكانية دفع الإيجار ألا وهو 5000 جنيه، إلا أن مالكة الشقة ترفض تقاضي الإيجار وإبقاءه في الشقة.

تابع مواقعنا