سيدة تجلس لبيع البرتقال وسط الصقيع بالبحيرة: هشتغل على عيالي لآخر يوم في عمري | بث مباشر

لم تمنعها برودة الطقس وانخفاض درجات الحرارة من ممارسة عملها والبحث عن الرزق الحلال، حيث ظلت السيدة عطيات، بائعة البرتقال في محافظة البحيرة، تجلس في أحد شوارع المحافظة حتى الساعات المتأخرة من الليل؛ وذلك حتى تستطيع أن تتكفل بـ مصاريف أولادها الـ 8 وزوجها أيضًا نظرًا لـ ظروف مرضه.

وقالت السيدة عطيات، إنها تجلس في الشارع حتى تُبيع البرتقال منذ فترة زمنية طويلة، موضحة: طول عمري وأنا بشتغل على عيالي عشان جوزي تعبان وغلبان ومبيقدرش يشتغل، وبصحى من الفجر أروح شغل تاني الصبح، وبعد ما بخلص بفرش في الشارع لحد الساعة 3 بليل، ومفيش حاجة بالنسبالي اسمها الجو البرد لا في مسئولية وبيتي وعيالي اللي عاوزه أربيهم وأعلمهم.

حرص السيدة عطيات على تعليم أبنائها

كما أضافت بائعة البرتقال في محافظة البحيرة، أنه لا يعمل أيًا من أبنائها في أيًا وظيفة؛ وذلك لأنها تسعى إلى انتظامهم في الدراسة وتعليمهم، وقالت: أنا عندي 2 من بناتي بيدرسوا التجارة، وواحدة في تانية إعدادي، وواحدة في كلية الزراعة، والباقيين كلهم أنا بعلمهم وهشتغل عليهم لحد آخر يوم في عمري.

كفاح السيدة عطيات 

وتابعت: أنا بشتغل أي حاجة شريفة من 30 سنة، مابستكبرش على أي شغلانة تجبلي رزق حلال أصرفه على جوزي وعيالي، وجوزي كان سواق وعمل حادثة ومن ساعتها مبيشتغلش ولسه واخد من قريب معاش ويدوبك بيكفي حق علاجه.