الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

فترة استراحة.. حسن الرداد يكشف حقيقة اعتزال إيمي سمير غانم | فيديو

حسن الرداد
فن
حسن الرداد
الإثنين 24/يناير/2022 - 05:20 م

كشف الفنان حسن الرداد، حقيقة اعتزال زوجته الفنانة إيمي سمير غانم، بجانب الحديث عن شائعة انفصالهما، مشيرا إلى أن الشائعات تلاحقهم منذ بداية ارتباطهما.

وقال حسن الرداد خلال لقائه مع برنامج ET بالعربي: إيمي معتزلتش خالص وفيه حسابات كتير مزيفة باسمها وآخر مرة حد كان عامل حساب مزيف ونشر صور ليها وإحنا في السعودية وكتب أن إيمي اعتزلت واتحجبت.

وواصل: إيمي لم تعتزل هي فترة استراحة وهتطلع من الحالة بتاعتها وترجع تاني، وأنا بشوف إن إيمي نجمة الكوميديا رقم واحد وبلا منازع، وبإذن الله هترجع تاني.

وأضاف حسن الرداد:  أحنا الاثنين أكتر اتنين بيطلع عليهم شائعات وأنا مش الشخصيات اللي مش بقرأ الأخبار وعمري ما أروح أكتب اسمي وأشوف أيه اللي مكتوب عليا، وبتجاهل الكلام، ويمكن أكون مادة للناس اللي بتكتب خصوصا أن الجمهور بيحب يعرف أخباري وأخبار إيمي، لأنها شائعات لا تنقطع من قبل ما نتجوز. 

واختتم الرداد: أحنا من النوع اللي حياتنا الخاصة بعيدة عن الأضواء ومش بننزل صور مع بعض كتير، وأحنا فاصلين الموضوع دا، وأنا مش بتعمد أرد بس المشكلة أن الناس بتصدق فبكون مضطر اني أرد.

شائعة اعتزال إيمي سمير غانم

وفي سياق متصل، تصدرت إيمي سمير غانم تريند مواقع التواصل الاجتماعي مؤخرا، وذلك بعدما نشرت عددا من الصور مرتدية الحجاب خلال أدائها مناسك العمرة، وانتشرت الشائعات حول ارتدائها الحجاب واعتزالها الفن خاصة بعد رحيل والديها سمير غانم ودلال عبد العزيز، ولكن نشرت إيمي صورة لها دون حجاب في محاولة منها لنفي هذه الشائعات.

تابع مواقعنا