الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

حورية فرغلي تروي تفاصيل رحلة علاجها المؤلمة: كل أصحابي تخلوا عني

حورية فرغلي
فن
حورية فرغلي
الإثنين 31/يناير/2022 - 12:14 ص

روت الفنانة حورية فرغلي رحلتها العلاجية التي أسفرت عن إجرائها لنحو 17 عملية جراحية، قائلة: رحت في الأول كنت فاكرة أنها عملية واحدة لكن فوجئت إن الطبيب قالي لا أربع عمليات وهتقعدي معانا أربع شهور، وبين كل عملية والتانية ثلاثة أسابيع ومدة كل عملية 12 ساعة.

 الموضوع كان مرهق جدًا  جدًا  


أضافت فرغلي في لقاء خلال برنامج كلمة أخيرة، الذي تقدمه الإعلامية لميس الحديدي على شاشة ON: الموضوع كان مرهق جدًا جدًا وكنت بعمل العمليات في شيكاغو عند طبيب من أمهر الأطباء رشحه لي الدكتور حسام فودة.

وكشفت الفنانة أنها بعد العمليات الأخيرة عادت لها حاسة الشم والتذوق مجددًا، متابعة: ماكنتش عارفة أنا باكل إيه بقالي أربع سنوات مكنتش بشم أي برفان وكنت بشتريها لو الإزازة شكلها حلو من غير ما أعرف ريحتها.

مكنش هاممني شكلي


استكملت حورية فرغلي: مكنش هاممني شكلي قد ماكنت عاوزة أعيش، عاوزة أعيش وأشم الروايح وأستطعم الأكل   وآخر حاجة كنت بفكر فيها أن شكلي يبقى حلو.


وكشفت فرغلي أنه بالرغم من أنها فقدت الثقة في نفسها على مدار الأربع سنوات الماضية فإنها كانت تهدف بالأساس لاستعادة صحتها، مستكملة: كنت فقدت الثقة في نفسي وحاطة «فويل» ورق القصدير على جميع المرايات عشان مابصش لنفسي خالص لمدة عامين وكنت أعاني من الاكتئاب.


وذكرت حورية أن ما أصابها بالصدمة هو اختفاء كل من حولها بعد الإصابة والمعاناة قائلة: الهوليلة اللي كانت حواليا  اختفت بمجرد سقوطي سواء اللي عاشروني عشرة أو 15 سنة، أو اللي ساعدتهم على الزواج ووقفت جنبهم، كلهم اختفوا لما وقعت.


وردًّا على سؤال الإعلامية الحديدي: دول كانوا أصحابك؟ لترد:  التيم بتاعي كله تصوري تليفوني مكنش بيرن، وكنت بقول لنفسي هل كنتوا حواليا عشان شغالة كتير وقتها؟!.

واصلت حورية فرغلي: كنت فقدت الثقة في نفسي وحسيت إني وحيدة، كنت ماعنديش علاقة عاطفية وعايشة لوحدي  وكل حاجة اتقفلت في وشي، وكنت بتمنى الموت وبقول لنفسي: واحدة زيي عايشة ليه؟!

تابع مواقعنا