الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

عبدالباسط حمودة: بيكا خامة صوته كويسة.. ولو سمع كلامي هينجح في امتحان النقابة

عبد الباسط حمودة
فن
عبد الباسط حمودة وحمو بيكا
الإثنين 31/يناير/2022 - 09:40 م

تحدث الفنان عبد الباسط حمودة، عن موقفه من مطرب المهرجانات الشعبية حمو بيكا، موضحًا أنه يرحب بتعليم بيكا أصول المهنة، ومساعدته لاجتياز امتحانات نقابة المهن الموسيقية.

وقال عبد الباسط حمودة، في تصريحات تلفزيونية لبرنامج “مصر جديدة”، الذي تقدمه الإعلامية إنجي أنور على شاشة etc: “حمو ابني وحبيبي، وأنا بحبه عشان خاطر هو إنسان طيب، بس لو هو يديني ودنه ونفسه، هخليه يعرف يغني إزاي، وهخليه كويس جدًا ويقول جدًا، لأن اللي هيعمله مش هيعمله زي ما احنا اتعلمنا، وهقوله الطبقة بتاعته عشان هو إنسان عنده طموح وعايز ياكل عيش”.

وأضاف عبدالباسط حمودة: “فيه مطربين كتير على الساحة اتعلموا مني، وبقوا نجوم دلوقتي زي أحمد شيبة وطارق الشيخ ومحمود الليثي، ونيكول سابا ودنيا سمير غانم، وأنا بحب حمو أوي، بس لما آجي اتصل بحمو بلاقي تليفونه مقفول”.

وتابع: “والله شهر ويمكن أقل كمان، لأخليه بيغني وكأنه بيغني بقاله 30 سنة، ويعدي من امتحانات النقابة، حمو بيكا ناقصه علم النغم وازاي  يغني بصوته، لأن خامته كويسة، وبردو حسن شاكوش كويس وييجي منه، وعمر كمال فنان بيغني”.

واستطرد نجم الغناء الشعبي: “زعلت لما حمو قال عايز أكل عيش ومستعد أغير اسمي، احنا كلنا بناكل عيش، وأنا ممكن أغني معاه كمان، وهاني شاكر راجل محترم ومش بيمنع حد وبيدي فرصة إن المواهب تروح تمتحن، وأنا مش  شايف فيه مطربين شعبيين في الساحة دلوقتي، حكيم في حتة واحنا في حتة”.

 

تابع مواقعنا