حمو بيكا لـ هاني شاكر: اللي بتعمله مزعل العالم العربي.. ومابتدنيش جنيه من جيبك
عبر مطرب المهرجانات حمو بيكا عن رأيه، في قرار إيقافه من العمل في الأماكن العامة والرسمية في مصر، بعد بيان نقابة المهن الموسيقية برئاسة الفنان هاني شاكر، موضحًا أن ما تعرض له ما هو إلا ظلم وافتراء.
وقال حمو بيكا خلال حواره مع الإعلامية إنجي أنور ببرنامج مصر جديدة على قناة etc: سجلت أغنية جديدة من أجل لاعب الكرة المصري فخر العرب محمد صلاح، ومن المقرر طرحها في حال فوز مصر بالكأس.
وأضاف: الدنيا اتغيرت بعد الرئيس عبد الفتاح السيسي بقى لينا حرية في التعبير والنشر، وليا حرية الرأي إني أعمل أي حاجة أعملها ما دام مبتعداش على غيري، ولما قلت أنا مصري أستاذ هاني شاكر طلع قال مينفعش يبقى البلد فيها سيادة الريس عبد الفتاح السيسي ويبقى فيها الناس دي، وبقول لأستاذ هاني ربنا كبير.
وتابع: اللي بيعمله معانا مزعل العالم العربي كله، وأنا بسافر وبروح والناس بتقولي ليه بيعملوا كده، اللي حصل الفترة اللي فاتت ده ظلم وافتروا عليا، وأنا مش مسامحه لحد يوم الدين، وأنت بتقطع لقمة عيشي ليه وأنت مبتدليش جنيه من جيبك.
أما عن عدم اتقانه اللغة الإنجليزية الذي يتضح في مقاطع فيديو يتم نشرها على موقع تيك توك، قال حمو بيكا: بتبقى القافية معلقة معايا، وببقى مش عارف أقولها فعلًا ومش مقصودة، وهتكسف ليه ؟ احنا مش بنعمل حاجة غلط.
