مصرع شاب ببنها بسبب أكل الحصان.. وشهود العيان: صاحب الغيط قتله بعد ما باس راسه | بث مباشر

لقى الشاب محمود أشرف محمد غريب، والذي يبلغ من العمر 19 عامًا، مصرعه في مدينة بنها بمحافظة القليوبية، وذلك بعد أن تلقى ضربًا على رأسه؛ بسبب ربطة من البرسيم.

تفاصيل الواقعة

وتعود تفاصيل الواقعة عندما أقبل حصان عربة الشاب محمود أشرف محمد غريب، على أكل مجموعة بسيطة من البرسيم التي تعود إلى الشخص الذي قتله.

وقال أيمن محمد غريب أبو النصر، عم الشاب الضحية محمود أشرف محمد غريب: ابن أخويا كان ماشي بالعربية الكارو بتاعته اللي بيبع بيها الطماطم بعد ما كان راجع من شغله واضطر إنه يوقف عشان يقضي حاجته ناحية غيط اللي قتله، والحصان وقتها أكل تقريبًا عود من البرسيم، راح صاحب الغيط انهال على ابن أخويا بالشتيمة وضربوا وبهدلوا وكسحوا خالص وكسرلوا ضهره وخبطه في دماغه، وابن أخويا ده غلبان أوي وعمره ما ضرب ولا أذى حد.

حديث شهود العيان

كما أوضح أحد شهود العيان على الواقعة، أنه نشبت مشاجرة حادة بين الشاب الضحية محمود أشرف محمد غريب وصاحب الغيط، ولكن تدخل بعض الأشخاص من أجل فضها على الفور، فقال: قالوا لمحمود بوس على راس صاحب الغيط وامشي وفعلًا عمل كده وبعد ما مشي فجأة طلع عليه 3 وضربوه وبهدلوه بالشومة والسنجة، ولما الشرطة جت وقبضت عليهم بيقولوا إن دي كانت خناقة طب خناقة ازاي وهما اللي طلعوا وراه عشان يضربوه.