أبو جبل عن محمد صلاح وماني: زمانهم في ليفربول بيجزوا على بعض
تحدث محمد أبو جبل حارس مرمى منتخب مصر ونادي الزمالك، عن كواليس احتفاله مع محمد صلاح نجم الفراعنة المحترف في صفوف ليفربول الإنجليزي، بعد الفوز على منتخب كوت ديفوار في ثمن نهائي كأس الأمم الإفريقية.
أبو جبل يتحدث عنه احتفاله الشهير مع محمد صلاح
وقال أبو جبل في تصريحات تلفزيونية: ماكنتش متخيل طريقة الاحتفال دي صلاح فاجئني، علاقتي بيه كويسة وأعرفه من زمان، كان آخر واحد بيشوط وأول ما جابها جري عليا، وحصل الاحتفال بالشكل اللي شوفناه.
وبسؤاله ماذا يقرأ قبل تسديد ركلة جزاء عليه، أوضح: أول حاجة ومن جعلنا من بين أيديهم سدًا ومن خلفهم سدًا، بحب أسمع قرآن كتير بحب أقرا شوية أدعية قبل ما أنزل التمرين أو الماتش، وبرمي تكالي على الله.
أبو جبل يعلق على نظرة ماني بعد إهدار ركلة الجزاء
وتابع أبو جبل: أنا برة الملعب شخص هادي جدًا وصبور، بس وقت الماتشات ببقى مشدود عشان اللعب بيكون سريع، وعن نظرة ساديو ماني بعد إهدار ركلة الجزاء، قال: اهتميت بالتركيز مع محمد صلاح عشان هو اللي قالي على زاوية التسديد.
وبسؤاله عن العلاقة بين محمد صلاح وساديو ماني: زمانهم في ليفربول بيجزوا على بعض، وكل اللي عمله يورجن كلوب هيبوظ أكتر الفترة الجاية.
