مصرع شاب لاعتراضه على التحرش بـ فتاتين بالسلام.. وشقيقه: أخويا راح عشان جدع | بث مباشر
شهدت منطقة السلام في محافظة القاهرة، واقعة مقتل شاب شهيد للشهامة، وذلك بعد أن أقبل على الدفاع عن بنتين كانتا تغادرن مدرستهما، ولكن حاول شابان من البلطجية الاعتداء عليهما والتحرش بهما، لذلك توفى هذا الشاب على يد البلطجية اللذان قتلاه لاعتراض طريقهما في الاعتداء على الشابتين.
تفاصيل الواقعة
وقال شقيق الشاب الضحية المجني عليه: أنا أخويا كان شغال ومعاه توك توك زيه زي أي حد بيشتغل وبياكل عيش، وكان بيوصل واحدة وشاف شابين بيشتموا بنتين تانيين وبيتعدوا عليهم، فـ أخويا نزل من التوك توك بتاعه عشان يكلم الشباب دول فـ اتضايقوا من كلامه واتخانقوا مع بعض.
كما أوضح شقيق الشاب الضحية، أن شقيقه ترك هؤلاء الشباب وانصرف عنهم وتوجه إلى مزلقان القطار من أجل مواصلة عمله وتوصيل الزبائن، ولكن هؤلاء الشباب البلطجية لحقوه عن طريق توك توك وكان بحوزتهم أسلحة بيضاء، فقال: راحوا ورا أخويا وكان معاهم سكينة ومفك مسنون ودخلوا على أخويا ولما شافهم نزل من التوك توك راحوا ضربوه وقتلوه، وقالوا قدام الناس كلها إنهم موتوه وخلصوا عليه.
واختتم حديثه قائلًا: أنا عاوز حق أخويا اللي راح مننا عشان شهامته وجدعنته، أخويا كان بياكل عيش على التوك توك بتاعه بما يرضي الله ومكانش بيعمل مشاكل مع حد، واللي قتلوه معترفين باللي عملوه وفي ناس من اللي كانوا واقفين شافوه وهو بيتقتل ومعاهم فيديوهات للواقعة بس رافضين يطلعوها.
