زيزو: خسارة إفريقيا كانت صدمة وفيه لعيبة انهارت.. وأصعب ركلة جزاء كانت أمام مندي
أبدى أحمد سيد زيزو، لاعب الفريق الأول لكرة القدم بنادي الزمالك ومنتخب مصر حزنه الشديد، من خسارة بطولة كأس الأمم الإفريقية مع المنتخب الوطني في المباراة الختامية أمام السنغال.
قال زيزو خلال تصريحات تلفزيونية: خسارتي نهائي إفريقيا مع الزمالك والمنتخب الاثنين نفس الإحساس.
وأضاف: مكنتش مصدق ومش عارف أيه بيحصل، ومصدوم ومش عارف بتعمل من الصدمة مش عارف انت زعلان ولا لا بعدها بتفوق انت خسرت ولسه هستنى سنتين، علشان البطولة تيجي، كل اللعيبة كانت منهارة وعيط أوي تريزيجيه، ولازم نركز علشان التأهل لكأس العالم.
وأكمل: ماتش السنغال والأجواء كانت مخلياني عاوز أبدأ ومتوعدتش أن ابدأ، والكلام اإني بنزل اعمل المطلوب مني، وإني بغير الشكل زي الناس مبتقول.
وأضاف: كان بيتطلب مننا نسيب الموبايلات في الغرفةً وقت التمرين، وكنا بنسيبها بالـ 3 ساعات، ومفيش إلا مصطفي محمد، اللي كان بيجيب تليفونه معاه عشان يشغلنا أغاني في الباص، وعامل فيها مسئول الدي چي وهو ذوقه وحش جدًا في الأغاني.
وأوضح: أصعب ضربة كانت أمام ميندي، لأنه مالوش تكتيك معين، وعنده لياقة وبيعمل كل حاجه، طويل وبينزل على الأرض بسرعة، ومفيش حل غير إنك تركز فى زاويه وتشوط جامد.
وأتم: من أول البطولة لآخرها، كل يوم كل لاعب بنشوط ضربتي جزاء بعد التمرين، إتمرنت على ضربة جزاء الكاميرون وبدرس الحارس وبعرف بيعمل أيه.
وأكمل: مزعلتش إني نزلت في الدقيقة 118 بصيت للجانب الإيحابي إن المدرب بيثق في، وترتيب ضربات الجزاء يتحدد أثناء المباراة في 10 بيعرفوا يشوطوا بيختاروا 5 عاوزين يشوطوا أنا ومحمد صلاح، أنا رقم واحد وصلاح 5 و2 و3 في ناس إلي عاوز تشوط.
وأوضح: في ناس رفضت تشوط ضربات جزاء، ودي حاجه متعيبوش، وغلط حد يقول هشوط وهو مش واثق إنه هيجيبها، دي إهمال واللي بيقول لا دي حاجه كويسه واللي مش واثق دي حاجه تحسب عليه.
وأكمل: إحساس زمالك وأهلي مش موجود جوه المنتخب، ممكن السوليه بيهزر معي، وكل حاحه بيعملها معي كل لعيبة المنتخب واحد، أنا بحب لعيبة الأهلي وباحب الشناوي أوي والسوليه وحمدي فتحي ومحمد شريف مش عاوز انسى حد.
