شهيد شهامة جديد.. مقتل شاب على يد شخصين بالسلام
شهدت منطقة السلام في محافظة القاهرة، واقعة مقتل شاب على يد شخصين، حاول عتابهما على عدم التعرض للفتيات أثناء خروجهن من إحدى المدارس، إلا أن ذلك الأمر قوبل بغضب شديد من قبلهما، حتى طارداه وبحوزتها آلة حادة، وطعنا المجني عليه، ما أسفر عن مصرعه في الحال.
تفاصيل الواقعة
وقالت شقيقة المجني عليه: أنا أخويا كان شغال ومعاه توك توك، زيه زي أي حد بيشتغل وبياكل عيش، وكان بيوصل واحدة وشاف شابين بيشتموا فتاتين، وبيتعدوا عليهم، فـ أخويا نزل من التوك توك بتاعه عشان يكلم الشباب دول، فـ اتضايقوا من كلامه، واتخانقوا مع بعض.
وأوضحت لـ القاهرة 24، أن شقيقها ترك هذين الشابين وانصرف عنهما، وتوجه إلى مزلقان القطار من أجل مواصلة عمله، وتوصيل الزبائن، لكنهما لاحقاه عن طريق توك توك، وكان بحوزتهم أسلحة بيضاء، ودخلوا على أخويا ولما شافهم نزل من التوك توك؛ راحوا ضربوه وقتلوه، وقالوا قدام الناس كلها إنهم موتوه وخلصوا عليه.
واختتمت شقيقة شهيد الشامة: أنا عاوزة حق أخويا اللي راح مننا عشان شهامته وجدعنته، أخويا كان بياكل عيش على التوك توك بتاعه بما يرضي الله ومكانش بيعمل مشاكل مع حد، واللي قتلوه معترفين باللي عملوه، وفي ناس من اللي كانوا واقفين شافوه، وهو بيتقتل ومعاهم فيديوهات للواقعة بس رافضين يطلعوها.
