شاب يتهم رئيسة دار أيتام بتشريده: طردتني وكانت بتعذبنا وتضربنا عشان منقولش اللي بيحصلنا | بث مباشر
كشف الشاب إيهاب راضي القاضي محمد، قصة معاناته عندما كان يعيش في إحدى دور الأيتام وتشرده في الشوارع بعد طرده من تلك الدار.
تفاصيل معاناة الشاب إيهاب
وقال الشاب إيهاب راضي القاصي محمد، إنه كان يعيش في إحدى دور الأيتام منذ أن تم إيداعه بها عندما كان طفل رضيع، وظل يعيش بها حتى عام 2013، ولكن أقبلت رئيسة دار الأيتام على طرده منها عندما كان يبلغ من العمر نحو 14 عامًا تقريبًا، موضحًا: رئيسة الدار طردتني وقالتلي أنت ملكش حاجة عندنا.
وتابع الشاب إيهاب راضي: رئيس دار الأيتام طردتني عشان أنا اللي كنت بتكلم وبقول الحق وبقول إننا عاوزين حقنا، عشان فلوس التبرعات اللي كانت بتجيلنا المفروض تبقى لينا إحنا وتخش دفاترنا بس ده مكانش بيحصل، وكانوا بياخدوا هما الفلوس دي من غير ما يعملوا إي إيداع لينا في دفتر التوفير، حتى تبرعات الأكل والشرب واللبس كانوا بياخدوها في بيوتهم وإحنا مناخدش أي حاجة.
وأشار الشاب إيهاب، إلى أنه كان يتم منعهم في دار الأيتام من حمل الهواتف المحمولة أو حتى محاولة تواصلهم مع أي شخص من خارج الدار، موضحًا: كانوا بيمنعونا إننا نتواصل مع المتبرعين بتوعنا اللي بيجولنا ولا حتى نتكلم عن اللي بيحصل جوا الدار، عشان إحنا كنا بنتعذب وبنتحبس في أوضة اسمها العزل وبنفضل قاعدين فيها ونضرب من غير ما نتواصل مع أي حد.
