تعذيب طفل على يد زوجة والده بسبب ساندوتش في الدقهلية.. وأسرة الضحية: حرقته بالنار | بث مباشر
شهد مركز تمي الأمديد في محافظة الدقهلية جريمة تعذيب طفل يدعى أحمد ويبلغ من العمر 8 سنوات، على يد زوجة والده، حيث إنها همت بحرقه من خلال استخدامها سكينا أو ملعقة ساخنة؛ وذلك بسبب أكله ساندوتش من اللانشون بدلًا من ساندوتش الجبنة.
تفاصيل الواقعة
وتحدث الطفل أحمد الضحية عن تفاصيل واقعة اعتداء زوجة والده عليه، حيث قال: هي قالتلي اعمل ساندوتش جبنة بس أنا كنت عاوز أعمل ساندوتش لانشون، وبعدما عملته قالتلتي وريني عملت إيه، فـ قولتلها يا ماما أنا عملت ساندوتش لانشون وكنت خايف أقولها الحقيقة عشان متزعقليش، فـ كذبت عليها وقولتلها إني عملت جبنة مش لانشون.
كما تابع: صممت إني أوريها الساندوتش وقولتلها معلش يا ماما أنا نسيت وعملت لانشون بدل الجبنة، وبعد كده خلتني أكنس البيت وضربتني وبابا قالي أخش أقعد في أوضة لواحدي.
وأوضح الطفل أحمد أن زوجة والده كانت توقظه من النوم خلال صلاة الفجر حتى يهب من أجل شراء العيش، فقال: صحتني في مرة بليل الفجر عشان أروح أجيب عيش، ويومها الكلب كان بيجري ورايا في الشارع فـ سيبت العيش والشبشب بتاعي وطلعت أجري عشان كنت خايف.
حديث جد الطفل أحمد
وأضاف جد الطفل أحمد ضحية تعذيب زوجة والده، أن والدته توفيت منذ نحو 3 سنوات، وبعد أن تزوج والدته من هذه السيدة ظنوا أنها تعويضًا من الله له وسوف ترعى الطفل أحمد بدلًا من والدته، فقال: كانت بتتعامل معانا كويس واتعاملنا إحنا كمان معاها زي ما تكون بنتنا لدرجة إن بناتنا كانوا بيضايقوا ويغيروا من معاملتنا ليها، بس إحنا اتفاجئنا من اللي حصل ده ودي مش أول مرة تحرقه.
