زوج ينهي حياة زوجته بعد ضربها لمدة 3 أيام.. ووالدتها: أهله سلطوه عليها وقهروا بنتي | بث مباشر

شهدت محافظة الغربية واقعة إقبال زوج، على إنهاء حياة زوجته التي تدعى شيماء والتخلص منها، حيث جاء ذلك بعد أن ظل يضربها ويعذبها لمدة 3 أيام.

تفاصيل واقعة إنهاء حياة سيدة على يد زوجها

وقالت السيدة فاطمة جودة القصاص، والدة الزوجة شيماء المجني عليها، إن ابنتها منذ أن تزوجت وهي تعاني من مشكلات عديدة مع زوجها، حيث إنها كانت دائمًا تترك له المنزل، بسبب نشوب خلافات بينهما.

كما تابعت حديثها قائلة: بنتي من يوم ما اتجوزت وهي عايشة في مشاكل، وكل ما تغضب برجعها تاني بيت جوزها، وقولتلها طب يا بنتي تحبي نفصلك عنه قالتلي لا، أنا هروح عشان خاطر بنتي، بس هو ولا كان بيصرف عليها ولا بيأكلها ولا بيديها مصاريف، وكان بيهينها جامد هو وأهله عشان كان بيسمع كلامهم، وهما اللي سلطوه عليهم وبهدلوها وقهروا بنتي.

وأوضحت شقيقة الزوجة شيماء المجني عليها، أن زوج شقيقتها كان محبوسًا على ذمة اتهامه في قضية مخدرات، ولذلك كانت شقيقتها تقيم معهم في المنزل لحين خروجه من السجن، وفور خروجه من السجن عادت إلى منزلها، ولكنهم تلقوا خبر وفاتها بعد أيام معدودة فقط.

واستكملت حديثها قائلة: إحنا مكناش مصدقين إنها ماتت، لأنها كانت لسة قاعدة عندنا ومفيش فيها حاجة، بس اكتشفنا إنه كان بيضرب فيها من 3 أيام، بس للأسف مكناش نعرف كدة عشان هي مكانتش بتجيلنا، وأختي كانت بتحبه وشارية عشرته وبيته لكن هما مقدروش كدة وكانوا مبهدلينها، وفي الآخر لما هي مستحملتش ضربه ماتت ومكانوش عاوزين يعرفونا اللي حصل، وضحكوا علينا وقالولنا دي تعبانة وعندها كورونا، وبعدها اكتشفنا إنهم رموها في البيت عشان يدفنوها من غير ما يعرفونا.