الباز عن كوسكال بابا: 3 جرائم ارتكبت خلال استقباله بمطعم منها إهانة العلم المصري
قال الدكتور محمد الباز، إن اليوتيوبر التركي كوسكال بابا وصل القاهرة وهناك حالة حفاوة كبيرة به، والدنيا اتقلبت، وتم استقباله في المطار، ونزل في فندق في التجمع، وذهب إلى محل مشويات شهير، وبسبب مقطع فيديو تم تصويره البعض يرى أن هناك جريمة ارتكبت بسبب محتوى الفيديو.
اشتهر بسبب مقطع فيديو ظهر فيه
وأضاف الباز، خلال برنامجه "آخر النهار" المُذاع على قناة النهار: كوسكال يعاني من مرض وراثي أدى إلى كونه قصير القامة، ودخل عالم السوشيال 2015، واشتهر بسبب مقطع فيديو ظهر فيه وهو في خناقة مع شخص ضخم، وكوسكال بابا يتابعه 3 ملايين و200 على تيك توك، ومليون على قناته باليوتيوب.
أول جريمة ارتكبها الناس بتوع محل المشويات
وواصل الإعلامي محمد الباز: في المقطع الفيديو المتناول لكوسكال، أول جريمة هي الاتجار بالبشر، ارتكبها الناس بتوع محل المشويات لأنهم استغلوا الرجل بصفاته الشكلية في الترويج، وثاني جريمة هي التحريض على الفسق والفجور، لأن في الفيديو في أختين بنات، وشخص بيقول نسيبهوملك ساعتين ونرجع تاني، وراجل بيقول، والبنت بتأكله: كوسكال بيحب اللحم الأبيض، بالإضافة لجريمة إهانة العلم المصري بوضع العلم بجوار كوسكال بابا وسط ما يدور من أحاديث غير لائقة.
وأردف الباز: فيه ناس رغبةً في المكسب والترويج بتحصل منها المهازل دي، في الوقت اللي إحنا مشغولين فيه على 6 آلاف مصري في أوكرانيا والحرب اللى بيموت فيها الناس، للأسف ناس عايشة في عالم موازي، ومفيش أي قيم ولا أخلاق، والمهم إنه فيه مكسب.
