مصرع شاب خلال إنقاذه فتاة من الغرق بالمطرية.. وشهود العيان: المياه خدته هو وسابت البنت | بث مباشر
شهدت منطقة المطرية في محافظة القاهرة، واقعة إنقاذ شاب لـ فتاة كانت تغرق في بحر مسطرد، ولكنه بعد أن نجح في إنقاذها من الغرق والموت لقي مصرعه بسبب إصابته بشلل مؤقت، وعدم قدرته على الحركة.
شاهد عيان يكشف تفاصيل الواقعة
وقال أحد شهود العيان على الواقعة، إن الشاب لاحظ أن هناك فتاة تغرق في بحر مسطرد، لذلك على الفور لاحقها وألقى بنفسه في مياه البحر حتى وصل تقريبًا إلى نصف عرض البحر.
وتابع حديثه قائلًا: البنت نطت بنفسها في البحر وكانت بتنتحر بس هو شافها وهي بتغرق عشان كده نزل ونط وراها على طول وراح وراها لـ نص المياه وطلعها، بس بقى ماسك فيها لأنه مكانش قادر يتحرك وجاله زي شد في رجله وقفه، فـ واحد تاني صاحبه حب يساعد جاب حبل شد بيه البنت وبعدين رايح يشد الشاب لقى المياه عمالة تسحب فيه ومقدرش يقاوم معاها، وكان عمال يقول لصاحبه تعالى الحقني بس هو ماعرفش يعمله حاجة من قوة المياه.
كما أضاف شاهد العيان أن الغواصين وصلوا بعد نحو ساعتين ونصف من أجل أن يحاولوا انتشاله من المياه، وقال: سبحان الله مياه البحر خدته هو سابت البنت اللي كان نازل ينقذها وهي عايشة دلوقتي وكويسة، هو للأسف أنقذ البنت بس ماعرفش ينقذ نفسه، وهدومه اللي كان لابسها كمان هي اللي تقلته في الحركة.
