رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

حسين فهمي: مفيد فوزي هاجمني وقال عني تلاجة باردة 14 قدم

حسين فهمي
فن
حسين فهمي
السبت 05/مارس/2022 - 05:02 م

قال الفنان حسين فهمي إنه تعرض للكثير من الانتقادات والهجوم في مشواره الفني، تحديدًا بعدما فضّل التمثيل على الإخراج.

الهجوم على حسين فهمي

وتابع حسين فهمي، خلال ندوة تكريمه في طريق الكباش بمعبد الأقصر، على هامش فعاليات مهرجان الأقصر للسينما الإفريقية في دورته الحادية عشرة، قائلًا: تعرضت لشتيمة وهجوم كتير قوي.

وأضاف: في ناس كتير فاكرهم بالاسم وأبرزهم مفيد فوزي اللي كان بيصحى من النوم، ألاقيه كاتب حسين فهمي تلاجة باردة في يوم ساقع، حسين فهمي تلاجة 14 قدم، والكلام الظريف بتاعه.

حسين فهمي وموقف طريف

كما روى حسين فهمي، موقفًا طريفًا تعرض له في الشارع، عندما كان يحاول أحد الشباب معاكسة فتاة.

وتابع: مرة كنت ماشي في الشارع، ولقيت ولد بيعاكس بنت ف قولتله هو أنت فاكر نفسك حسين فهمي، ولقيته بيبصلي هو والبنت وميتين من الضحك، ومكانوش متخيلين إن ده أنا.

واستكمل: السينما عندي دراسة، وكنت بعتذر كتير قوي عن أعمال معروضة عليا عشان أقدر أعمل حاجات مختلفة بعد كدة، وكنت بتناقش كتير عشان أعرف أقدم الأعمال ازاي، ولما قدمت جري الوحوش، لجأت لطبيب عشان أعرف نوع المرض اللي هقدمه.

وأردف: مرة جاتلي شخصية راجل بيخاف من الستات، وانبهرت وكنت عايز أعملها، ولما قولتلهم عايز أدرس الشخصية، قالولي ده الديكور اتحط خلاص قولت ازاي يعني.