مبروك عطية عن انتحار طالبة بسبب عريس: كان هيفضل 7 سنين ياكل محشي وحمام عند أبوها
علق الدكتور مبروك عطية، العميد السابق لكلية الدراسات الإسلامية جامعة الأزهر، عل انتحار طالبة في السادس عشر من عمرها من محافظة الغربية، شنقت نفسها بعدما رفض أهلها شابا كان متقدمًا لها.
كتابك كتابك دراستك دراستك
وقال مبروك عطية عبر مقطع فيديو على صفحته على موقع التواصل الاجتماعي فيس بوك: "نقول في هذه المسألة في بعدين، البعد الأول: ينبغي أن نقول لبناتنا اللاتي في التعليم أنه بمجرد بلوغهن سن المراهقة، كتابك كتابك، دراستك دراستك، ولما تخلصي جامعة إن شاء الله نفكر سوا في موضوع جوازكـ من اللي يقدر يصرف عليكي واللي عايزك وعايزاه، ونقلب الصفحة دي علي كده، مضيفا: الأهل ما بيهتموش، ثقة في بناتهم رايحين المدرسة، جايين من المدرسة".
وتابع مبروك عطية: “أما البعد الثاني: الشخص اللي جاء ليخطبها وهي عندها 16 سنة، هيعمل بيها إيه، فاتح حضانة، ولا هيخطبها ويقرأ الفاتحة بس، ويروح ويجي، مجتمع غريب أوي”.
وأردف مبروك عطية عميد كلية الدراسات الإسلامية الأسبق بجامعة الأزهر:" 16 سنة وهيستناها 3 سنين ثانوي و4 كلية، يبقا 7 سنين في العطارين، رايح جاي علي بيت أبوها، خميس يعملو ليه محشي، وخميس يعملو ليه حمام".
اللي بتتعلم ممنوع يتخبط علي بابها
وأضاف مبروك عطية: "فيها إيه لو اتفقنا كلنا، وبقا عرف ساري بيننا، اللي بتتعلم ممنوع يتخبط علي بابها، هي تبقا عارفة كده، والمجتمع كله يبقا عارف كده".
مبروك عطية: أين موضع حب الوالدين عند الأبناء؟
واستطرد مبروك عطية: "أين موضع الحب للوالدين في قلوب الأولاد، من زاوية إن حياتي عند أبويا غالية، حياتي عند أمي غالية، أبويا وأمي يجرالهم حاجة لو عملت في روحي كده".
