بعد استفزازه لها بفرح ابنة أصالة.. رضوى الشربيني لـ تامر حسني: استعد لحلقة كاملة عن سي السيد
مازحت الإعلامية رضوى الشربيني، الفنان تامر حسني، بعد غنائه لها أنا سي السيد، بفرح شام الذهبي ابنة أصالة، حيث أشارت إلى أنها ستقدم حلقة كاملة عن سي السيد.
رضوى الشربيني ترد على تامر حسني
وعلقت رضوى الشربيني على فيديو لـ تامر حسني، عبر حسابه الشخصي، بموقع تبادل الصور والفيديوهات القصيرة انستجرام، قائلة: أخدتني على خوانة يا تامر، بس معلش أخويا وجوز أختي، بس حاسب بقى حلقة كاملة على سي السيد بتاعك ده.
ومن جانبه، شارك تامر حسني جمهوره بفيديو له، من غنائه بحفل شام الذهبي، الذي أقيم أمس، بأحد الفنادق الكبرى بالقاهرة، وعلق قائلًا: من فرح حبايب قلبي الغاليين شام وأحمد، مليون مبروك ليهم، ولأصاله حبيبة قلبي، فرحتك كانت بالدنيا إمبارح، وشام طبعًا عارفة فرحة بسمة بيها كانت إزاي.
وتابع تامر حسني: وكسرت الدنيا يا محمد يا أسامة يا أبو أحلى غزالة رايقة، لو اتزنقت في أي فرح زحمة تاني، أبقى قولي.. ربنا يكرمك يا حبيبي، وتكبر وتحقق كل أحلامك.
تامر حسني ورضوى الشربيني
واستكمل تامر حسني حديثه موجهًا رسالة، لـ رضوى الشربيني: أما رضوى بقى معلش يا رضوى، كنت في اللحظات دي باخد حق رجالة كتير، نورتي يا أحلى رضوى، حبيت أضحكك شوية بس، وعقبال الجميع يا رب.
واستفز تامر حسني رضوى الشربيني بحفل زفاف شام مساء أمس، من خلال تقديمه أغنية أنا سي السيد، والتي تقول كلماتها: آه أنا سي السيد، وكلامي هو اللي هيمشي، آه أنا سي السيد مش عاجبك كلامي أمشي.
