الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

هربت من أهلها وعاشرها الضحية 40 يوما.. اعترافات مثيرة لـ مصطفى وصابرين في جريمة إمبابة

اغتصاب فتاة - ارشيفية
حوادث
اغتصاب فتاة - ارشيفية
الأربعاء 06/أبريل/2022 - 01:54 م

كشفت تحقيقات قضية استدراج شاب ومقتله في منطقة إمبابة تفاصيل مثيرة، حيث تبين أن المتهمين في الواقعة شاب وشقيقته خطيبة المجني عليه، وقيام الضحية بمعاشرة المتهمة أكثر من مرة أثناء فترة الخطوبة، التي لم تكتمل، وحينما علم شقيق الفتاة خطط للانتقام.

تحقيقات القضية رقم 21714 لسنة 2021 جنايات قسم إمبابة، والمقيدة برقم 4819 لسنة 2021 متهم فيها كل من مصطفى. ج،  وشقيقته صابرين. ج، بقتل شاب يدعى كرم، عن طريق استدراج المتهم الأول للمجني عليه إلى مكان وقوع الجريمة، وانهال عليه ضربا بسلاح أبيض أمام شقيقته، التي اصطحبها شقيقها معه أثناء ارتكاب الواقعة بزعم حل الخلافات مع خطيبها.

فتاة وشقيقها يقتلان خطيبها في إمبابة

وأمام جهات التحقيق، قال المتهم الأول: اللي حصل أختي قعدت عند كرم في البيت 40 يوم، وكانت هربانة ومحدش يعرف مكانها مننا، وبعد كده لقيتها راجعة بعد أسبوعين، وجات وحكت لي إن كرم ضحك عليها وغلط معاها، وعاشرها أكتر من مرة، ومحدش فينا كان يعرف مكانها وأنا لما عرفت حاولت أكلم كرم أكتر من مرة، عشان نلم الموضوع  ويتجوزها، قعد يتهرب مني وميردش على تليفوناتي.

مقتل شاب بالجيزة بسبب علاقة محرمة

وتابع المتهم أمام جهات التحقيق: اتفقت مع صابرين عشان تقابله، لأن هو كان بيلعب عليها عشان يقابلها تاني، واتفقنا إن هي هتقابله علشان اتكلم معاه علشانيصلح غلطته، وهي ماكنتش تعرف إني ناوي أضربه، وبعد كده قعدت أراقبها من بعيد عشان أعرف استفرد بيه، وكنت راكب توكتوك عشوائي مع واحد أنا معرفوش وفضلت ماشي وراها لحد شارع محمد إمبابي، وجيت بالتوكتوك وكنت ناوي أنزل اتكلم معاه بس مستحملتش، ونزلت علشان آخد شرف أختي، وأول ما نزلت رحت واقف جنبه وضربته ضربه بالمطواة اللي كانت معايا من الناحية اليمين، وضربته تاني ضربة في بطنة، وثالث ضربة كانت في ظهره، وبعد كدة شديت أختي جوة التوك توك وركبت، وخدنا بعضنا وجرينا والحكومة جات خدتنا".

من جانبها أنكرت صابرين المتهمة الثانية في الواقعة معرفتها بنية شقيقها المسبقة بارتكاب جريمة القتل، قائلة “رحت قعدت عندهم 40 يوم وكرم عاشرني أكثر من مرة ولما رجعت قولت لأخويا على اللي حصل".

وقررت  الدائرة 12 جنايات الجيزة، تأجيل جلسة محاكمة المتهمين الأشقاء مصطفى. ج، وصابرين. ج،  لجلسة 28 مايو، في قضية مقتل شاب يدعى كرم. ف، والتي حملت رقم 21714 لسنة 2021، بعد أن استدرجوه  لأحد الأماكن وانهالوا عليه بسلاح أبيض مطواة، مما أحدث إصابات متفرقة في جسده، نقل على إثرها إلى مستشفى القصر العيني، لكنه فارق الحياة قبل أن يكمل علاجه.

 

تابع مواقعنا