أحمد فلوكس: اتجوزت مرتين عُرفي منهم مرة بعد انفصالي عن هنا شيحة و3 مرات رسمي
حل الفنان أحمد فلوكس ضيف الإعلامية أسما إبراهيم في برنامج حبر سري، عبر شاشة قناة القاهرة والناس، وتحدث عن علاقاته العاطفية وتفاصيلها.
وقال أحمد فلوكس: لما قولت إني اتجوزت كتير كنت بهزر في الانترفيو وكان أغلبه ضحك وكانت مراتي قاعدة ومش محتاج اطلع عليا سُمعة هما بيطلعوا، واتجوزت 3 مرات رسمي ومرتين عُرفي وكان معروف للناس ومنهم مرة بعد طلاقي من هنا شيحة عشان مكنتش عايز أعرف الناس.
وأضاف: اتعقدت من الحكاية دي وأكتر حد بحبه وربنا باعتهولي وأحلى هدية في الدنيا أم ابني خصوصا إنه ا استنتني كتير 12 سنة، حتى لما اتجوزت هي اللي كانت بتربطلي الجرافته واستنتني.
آخر أعمال أحمد فلوكس
يعد فيلم الممر هو آخر أعمال أحمد فلوكس الفنية عام 2019، وضم فيلم الممر العديد من الفنانين منهم الفنان أحمد عز وإياد نصار وأحمد رزق ومحمد فراج وأحمد صلاح حسني ومحمد الشرنوبي ومحمود حافظ ومحمد جمعة وأمير صلاح وألحان المهدي وأسماء أبو اليزيد، والفيلم من تأليف وإخراج شريف عرفة.
وكان من المقرر أن يعود فلوكس للدراما من جديد بعد غياب منذ عامين، بمسلسل سفينة نوح، من بطولته وإنتاجه، ولكن العمل لم يظهر للنور بعد.
