بلبس من أشرف فجلة ومحمد رمضان وحمو بيكا بيقلدوا أبويا.. أبرز تصريحات عصام شعبان عبد الرحيم
فن
عصام شعبان عبد الرحيم
حل عصام شعبان عبد الرحيم، نجل المطرب الشعبي الراحل شعبان عبد الرحيم، ضيف برنامج سابع سما، الذي تقدمه الإعلامية اللبنانية راغدة شلهوب، عبر شاشة قناة النهار طوال شهر رمضان 2022.
يسرد لكم القاهرة 24 أبرز تصريحات عصام شعبان عبد الرحيم في برنامج سابع سما:
- طلبت من منار حمزة إثبات زواجها من أبويا وقلت لها لو لقيت حاجة تثبت أنك متجوزة أبويا هديكي من ورثي أنا، ومن وقتها ماشفتش وشها لأنها ما قدرتش تثبت ده.
- قولت لـ منار حمزة أنا عاوز أتجوزك علشان أشوف أخرتها إيه لكن هي كذابة.
- لا يوجد خلاف بيني وبين إسلام خليل وهو جزء من نجاحات شعبان عبد الرحيم.
- مفيش خلاف بيني وبين حلمي بكر هو كان بينكش أبويا ولو شوفته هسلم عليه.
- خلافي مع محمود الليثي علشان عزمته على فرح بنتي ومجاش، روحت خدت الكاميرا وروحت الترب اشتكيت لـ أبويا من كل اللي مضايقني، لأن أبويا مكنش بيسيبه.
- أبويا مات زعلان مني ومن أخواتي، بس أنا حاسس إنه زعلان عليا لأنه جالي في الحلم وقال لي استحمل عشان خاطري.
- خلافي مع أخواتي مكنش بسبب الورث، ولكن كل واحد مش راضي باللي هو فيه.
- بشوف ابني ولكنه مش جدع معايا كان نفسي يكون دكر واقف في ضهري ومعنديش حنية ليه.
- حسيت بالندم على أولادي ولكن قلبي جمد أو شيلته وحطيت مكانه جزمة.
- أي واحد نفسه يأكل عيش ويقلد أبويا، هشيله فوق دماغي وأسقف له.
- محمد رمضان بنفسه اللي هو بطل مش أي واحد يعني، بيلبس زي أبويا بالظبط.
- بلبس من أشرف فجلة اللي كان أبويا بيلبس من عنده.
- كل العيال اللي موجودة، حمو وغيره بيقلدوا أبويا.
- أبويا لو جاله مطرب بيغني حلو أوي، واسمه وحش؛ ما يوافقش عليه، يعني ما يوافقش على واحد اسمه كزبرة، الأسامي اتغيرت، المفروض الأسامي دي تتمسح.
