الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

مبروك عطية يعلق على وفاة الصحفي عماد الفقي: إحنا في مجتمع يدعو إلى الانتحار

مبروك عطية
دين وفتوى
مبروك عطية
الجمعة 29/أبريل/2022 - 04:01 م

علق الدكتور مبروك عطية، الداعية الإسلامي، على انتحار الكاتب الصحفي عماد الفقي، الكاتب بجريدة الأهرام، بمقر عمله بالجريدة، وهو الخبر الذي يشغل الرأي العام المصري، منذ الأمس.

مبروك عطية يعلق على انتحار الصحفي عماد الفقي

وخرج الدكتور مبروك عطية، الداعية الإسلامي، في بث مباشر عبر صفحته الشخصية بموقع التواصل الاجتماعي فيسبوك، بعنوان: قراءة في انتحار الصحفي عماد، أوضح في بدايته أن ما سيتناوله في هذا البث، هو قراءة في أحداث الواقعة.

وبدأ عطية بسرد أحداث الواقعة، وتفاصيل انتحار الصحفي عماد الفقي، من داخل مقر عمله، بجريدة الأهرام، الساعة 4 فجر أمس، معلقًا: الصحفي عماد الفقي مش شاب، وراجل كبير، وعنده ابن في الجامعة، ومنفصل عن مراته.

مبروك عطية: إحنا في مجتمع يدعو للانتحار

وأضاف مبروك عطية: دي قراءة في إقبال رجل كبير على الانتحار، مش مراهق عنده 16 أو 17 سنة، وإحنا في مجتمع يدعو إلى الانتحار، ومحدش بيقول لحد انتحر، لكن بيقوله حاجة تانية تخليه ينتحر.

وأكمل الداعية الإسلامي: إي اللي كان ممكن جدا يخليه مينتحرش، توفير مصاريف معاه لجوازته، وتوفير مصاريف لابنه اللي في الجامعة الخاصة، مزنوق أو في ضائقة مالية يبقى ليه أخ يساعده، مستدعيا قول الله تعالى: {وَأُلُو الأَرْحَامِ بَعْضُهُمْ أَوْلَى بِبَعْضٍ}.

واستنكر الداعية الإسلامي، مبروك عطية، تعامل الناس في هذا الزمان مع المقبلين على الانتحار، قائلا: اللي أنا بقرأه في سنين عمري، إننا بنشيل المقبل على الانتحار سبب فشله، وبنقوله وأنا أعملك أي، ما أنت اللي عملت في نفسك كدا،  ومش صح نعمل كدا، الصح إننا نقف جنبه ونساعده وإحنا بنساعده نبقى نقوله غلط، وعيب اللي عملته متبقاش تعمله تاني، لكن مسيبهوش لنفسه ولا أشيله الذنب وأشجعه على الانتحار.

واختتم عطية: أنا مش أبو بكر الصديق ولا عمر ابن الخطاب ولا عمرو ابن العاص، فلما أسمع حد بيقولي كدا، هنتحر طبعا، ومنتحرش ليه؟

تابع مواقعنا