السيسي: النبي محمد حُبس وحُوصر في شعاب مكة 3 سنوات لا الصحابة قالوا يجبلنا ناكل ولا المياه تتفجر من تحتنا
قال الرئيس عبد الفتاح السيسي، إن حصة مصر من المياه منذ 100 عام هي واحدة لم تتغير، ونعمل على تحسين وترشيد استهلاكنا من المياه.
وأضاف الرئيس، خلال افتتاح مشروع مستقبل مصر للإنتاج الزراعي، أن مشكلتنا في مصر هي إزاي أحفاظ على وعي المواطنين، مش عشان أحافظ على نظام، لكن عشان أحافظ على البلد، وأنت كإعلامي أو كرجل بتتكلم على مواقع الواصل الاجتماعي أنتبه، لأنك ممكن وأنت بتعمل ده ممكن تخرب وتدمر، لأنك بتشكل وعي وفهم قد يكون مش دقيق أو مش حقيقي وبالتالي تحرك الناس في اتجاه مش مضبوط.
وأضاف السيسي، أنا مبقلقش لما حد يقول أن كيلو البامية بـ 100 جنيه المواطن المصري أوعى من كده، مبقولكش غش أو زيف حتى لو كان ده الحقيقة.
وتابع: النبي محمد صلى الله عليه وسلم حُبس وحُوصر في شعاب مكة 3 سنوات وكان سيدنا جبريل بينزل عليه بالوحي لا الصحابة قالوا قلهم يجبلنا ناكل ولا المياه تتفجر من تحتنا قعدوا 3 سنين لدرجة أنهم وصلوا لأنهم يأكلوا ورق الشجر.
وأكمل الرئيس، إحنا أصلب من كده بكتير.
