رقم 59 مع عمرو دياب.. الملحن تامر حسين: مبسوط بنجاح أغنية اللي يمشي يمشي
عبر الملحن تامر حسين عن سعادته الكبيرة بنجاح أغنية اللي يمشي يمشي لـ عمرو دياب، وتحدث عن انتشار الأغنية بشكل كبير، وأغرب رد فعل وصل له بسبب الأغنية.
وقال الملحن تامر حسين في تصريحات لـ القاهرة 24: مبسوط بنجاح الأغنية السريع، وتعد التجربة جديدة على عمرو دياب الذي لم يغني من قبل عن حالة عامة مليئة بالتفاصيل، التي تمس الناس كلها، بل كان بيتخصص في منطقة وزاوية معينة، لكن في هذه الأغنية الأمر مختلف، فهي تتحدث عن حالة عامة، ونماذج كتير في حياتنا، وأشخاص باعوا وظلموا وتركونا، وأيضا عن أشخاص خذلونا.
وأضاف تامر حسين: هذه النماذج كثيرة في حياتنا، وكل شخص لديه حد في حياته من هذه النوعية، لذا فقد لمست مشاعر الناس بسرعة، وعملت صدي كبير أول ما نزلت، ودلوقتي تصدرت التريند في كل مكان، وأنا مبسوط بيها جدا، ودي الأغنية رقم الـ59 مع عمرو دياب في مشواره.
كلمات أغنية اللي يمشي يمشي
اللي يمشي يمشي عادي
مش هنزعل يوم عليه
واللي باقي علينا أهلا
حضننا ده أولى بيه
فوق دماغنا مكانه عالي
وفي عيونا هنداريه
ماحنا عشنا لناس باعونا
في النهاية خدنا ايه
النوايا تبان في شدة ومين هيرضى يكون معاك وقت أما تتعب هتلاقيه.
