بهاء سلطان قبل حفله في السعودية: يارب كلنا نتدلع ونقضي وقت كويس
أعرب المطرب بهاء سلطان عن بالغ سعادته بإحيائه حفلًا جديدًا في السعودية بـ مدينة جدة، غدًا الجمعة.
قال بهاء سلطان خلال حوار تليفزيوني مع إحدى القنوات أثناء وصوله مدينة جدة: مبسوط أني معاكم هنا في السعودية وشرف كبير ليا وبشكر سعيد إمام، وسالم الهندي على الفرصة الكبيرة والغالية دي.
وأضاف بهاء سلطان: نفسي تكون الخطوة دي كويسة والناس اللي هتكون موجودة في الحفلة يتبسطوا، يارب كلنا نتدلع ونقضي وقت كويس، هنقول كام حاجة من ألبوم سيجارة اللي واصلين للناس كويس.
آخر حفلات بهاء سلطان
أحيا بهاء سلطان حفلة في موسم عيد الفطر مع كلا من أحمد سعد ورامي جمال، وقام بغناء عدد كبير من الأغاني أبرزهم أغنية تعالى أدلعك، الواد قلبه بيوجعه، قوم أقف، وعدد آخر من الأغاني.
آخر أغاني بهاء سلطان
طرح بهاء سلطان ألبوم سيجارة منذ فترة كبيرة، وحقق الألبوم نجاحًا كبيرًا ومن أبرز الأغاني، تعالى أدلعك، أنا غلطان، سماح سماح، رامي الحمول، وحققت أغنية تعالى أدلعك نجاح كبير حتى وصلت إلى 32 مليون مشاهدة على اليوتيوب.
كلمات الأغنية: طالعة في دماغي نروق شوية أعدي عليك وتنزلي ده أنت فوق دماغي وحقك عليا طوّل خصامنا زلزلني، تعالى أدلعك قوللي ايه هيمنعك جمبك مش هتعبك والمكان هيعجبك تعالى بحلفك قوللي مين مقريفك، لو كنت أنت في مكاني عمري ما كنت هكسفك.
