أنا مش مهتم.. قصيدة للشاعر محمد هاني

محمد هاني
شاعر مصري من مواليد القاهرة ١٩٩٧
تخرج في كلية دار العلوم جامعة القاهرة ٢٠٢٠
صدر له ديوانان: 
محاولة ٢٠١٩
سيرة الغلام عن دار فهرس ٢٠٢١.

قصيدة أنا مش مهتم

وإليكم قصيدة أنا مش مهتم:

قبل الإذاعة ما تبتدي الإرسال 
والناس تهاجم وقتها بالكم 
حابب أفكر نفسي 
بإني مش مهتم
لا مين كسب عايش 
ولا مين خسر ميتان 
أنا جالي وقت وكنت ثورة ف ١٠٠ زمان ومكان
لا تاريخي أنقذ حد من جيلي ولا صوتي كان مسموع 
لكن فرضت شعار اسمه انتقام الجوع 
اسمه الولاء للحق مش للقول 
اسمه إن أي ضمير من حقه يبقا رسول 
ولذلك تلاقيني منيش مسئول عن ناس 
ولا ليا ظهير وسط الشلة ومعروف سيرتي 
معروف دايما فعل المعروف 
من غير أسماء 
وانا أصلي محبش أي تظاهر ف الأشياء 
بيقولوا اصحاب الإيد العليا في أي مكان 
خلوه لنفسه واكفونا أذاه 
ويقولوا الناس الأصليين 
طيب غلبان فاكر هيغير مجرى الكون 
وانا عندي إيمان إن انا على حق 
الثورة ف كل مكان بس احنا ندور بخيالنا 
والحق إن جات سيرته نقوله 
ونبص ونفرح قدامنا 
هيجيلنا اليوم نرقص حكايات 
وننادي الصبح بكل براح يتلم
إنما دلوقتي أنا مش مهتم.