تامر حسين يهاجم حسن شاكوش: كلامه مستفز وجاهل بالمعلومة
علق الشاعر تامر حسين، على تصريحات مطرب المهرجانات حسن شاكوش، بشأن عدم سرقته لحن أغنية حاجة مستخبية للمطرب حماقي، في مهرجان بنت الجيران، وإشارته لسرقة أغنية حماقي من لحن أغنية تركية.
وعبّر تامر حسين عن رأيه في الأمر، عبر حسابه الشخصي على موقع التواصل الاجتماعي فيسبوك، قائلًا: الحقيقة مُستفز جدًا كلام مطرب المهرجانات حسن شاكوش، تصريحاته التليفزيونية غير موفقه تمامًا، من الناحية الأدبية وذوقيات المهنة والجهل بالمعلومة والتدليس، اللي بيعمله للمُشاهِد اللي ميعرفش حقيقة لحن بنت الجيران، اللي مِن الحان ملحن شاب مصري مدين، الراجل تم التعاقد معاه، رسميًا من شركة تركيا بُمُقابل مالي نظير استخدام لحن حاجة، مستخبية اللي خلالك شئن وشهرك وكان سبب رزق ليك عيب، تِنكر الحقيقة وتضلل الجمهور اللي يجهل بالمعلومة.
وأضاف: الراجل ماسرقش لحن حاجة مستخبية ده من إبداعه، وده تعدي على حقه الأدبي وممكن يقاضيك وياخُد تعويض على إساءتك وجهلك بالمعلومة، ثانيًا شتان الفرق الشاسع بينك وبين نجم كبير زي محمد حماقي فنيًا وأدبيًا وثقافيًا وذوقيًا من حيث المحتوى والمضمون، وسيبك من الزمن اللي احنا فيه وتدني الذوق العام وإعلانات اليوتيوب الممولة اللى خليتك تطلع تقول أغنية محمد حماقي جايبه 16 مليون مُشاهدة بطريقة سخيفه مِنك، وكأنك مايكل جاكسون، هتعدي السنين وهتشوف اللي حايعيش حاجة مستخبية وإلا أغنيتك اللي لولا نجاح أغنية محمد حماقي وتوصيلها لأكبر قدر من الجمهور ما كانتشي أغنيتك اتشهرت على الجاهز الراجلِ ساهم فى نجاحها فا ذوقيًا تشكره وتتكلم بأسلوب أرقى مِن كده.
وتابع تامر حسين: على ناس كانوا سبب في نجاح ورزق ليك وماحدش جّرح فيك، كُلهم دعموكم عشان تاكلوا عيش وتنجحوا وأهاليكم وحبايبكم، يفرحوا بيكم والراجل أقدم مِنك وأشهر مِنك يبقى تقدره، وتتكلم بشكل مُنصف، ثالثًا صُناع الأغنية المُبدعين المُبتكرين الشاعر المبدع محمد عاطف والملحن المُبدع صاحب اللحن الأصلي اللى إتاخد فى تركيا للنشر بُمقابل مالي والموزع الكبير أحمد إبراهيم، دول ناس يستحقوا الشُكر في العلن مش تشوية وتقليل.
واختتم تامر حسين حديثه، قائلًا: من قدر أغنيتهم اللي نجحت جدًا ف سنة نزولها وكانت أنجح أغاني السنة وأتمنى من الإعلام والسادة المسؤولين عن اختيار الضيف يصدروا للمُجتمع حاجات وطاقات حلوة مُبهجه مُستنيرة وعندها قدر من الوعي والاحترام والتقدير والذوقيات بلاش إحباط الله يخليكم مش حايبقى كرة وفن حافظوا على ما تبقىّ.
