مصطفى عباس: عايز منتج يقول كفاية عليا كده لازم اشتغل واظهر
وجه الفنان مصطفى عباس، رسالة للمنتجين والمخرجين، مشيرًا إلى أن هذه الرسالة نيابة عنه وعن العديد من زملائه الذين لم يحصلوا على فرص الظهور في أعمال فنية.
قال مصطفى عباس، في تصريح خاص لـ القاهرة 24: أنا بقول الرسالة دي بالنيابة عن 15 أو 20 ممثل جامدين جدًا وأشطر مني وقاعدين في البيت وإنتوا عارفينهم، بس للأسف بتديلهم 1 من 10 من حقهم، وفي ناس موهبتها في التمثيل محدودة جدًا بس بيشتغلوا كويس جدًا، الناس دي لو اتشافت بجد في ناس كتير هتقعد في البيت.
وتابع مصطفع عباس: أنا في ناس كتير بتقولي يا مصطفى أنت متعطل علشان أنت لو طلعت في ناس كتير جدًا هتقعد في البيت، الناس دي من مصلحتهم إني مطلعش، ممكن لما يتذكر اسمي في كاستينج ولا حاجة يقولوا لأ، لأنهم عارفين أنا لو جيت هعمل إيه.
مصطفى عباس يشكو من عزوف المنتجين عنه
وأضاف: أنا عندي أعمل مشهد واحد ويعلم مع الناس، أصلًا فيلم أبو علي الشخصية مكنش ليها اسم، ومفيش حد في الوطن العربي ميعرفش إفيه يا عمري، أنا معروف بيه أكتر من أي حاجة في الحياة.
واختتم مصطفى عباس حديثه قائلًا: عايز مخرج أو منتج يقول كفاية كده على مصطفى أنا بقالي 22 سنة بمثل مش سنة ولا اتنين، محتاج حد يقول كفاية كده لازم يظهر.
