ميدو يعلق على خسارة الأهلي من بيراميدز: الكورة قلب قبل ما تكون فنيات
علق أحمد حسام ميدو، على فوز بيراميدز على الأهلي بهدفين دون رد في الجولة 25 من الدوري الممتاز هذا الموسم، مشددا على أن روح لاعبي بيراميدز في مواجهة اليوم ساهمت في حصد الثلاث نقاط.
وقال ميدو في تصريحات تلفزيونية: "لو بيلعب بيراميدز كل ماتشاته في الدوري، زي ما لعب النهاردة بنفس الروح، كان يكسب الدوري فرق 15 نقطة الكورة قلب قبل ما تكون فنيات.
وأضاف نجم الزمالك السابق: فريق بيراميدز اللي واجه الأهلي في كأس مصر كان بيلعب في ديزني لاند، لكن النهاردة الفريق اللي لعب قدام الأهلي فريق مُختلف تماما، بروح مُختلفة.
وواصل حديثه قائلا: فوز مهم لبيراميدز على الأهلي، وخسارة مستحقة للأهلي، ولاعيبة الأهلي بعيدة تماما عن مستواهم، ولم يكن هناك تنوعا هجوميا بالنسبة للاعبي الأهلي في مواجهة اليوم.
ميدو يوجه تحية خاصة لمحمد عواد: "الدنيا بايظة عند ناس تانية عشان ربنا بيكافئه"
ووجه أحمد حسام ميدو رسالة خاصة لمحمد عواد حارس مرمى الزمالك بعد تألقه أمام غزل المحلة في الدوري.
وقال ميدو في تصريحات تلفزيونية: "أريد توجيه التحية لمحمد عواد، تلاقي ناس ساكتة وصابرة، ومش بتلعب، ودلوقتي بقي بيلعب وتلاقي الدنيا بايظة عند ناس تانية عشان عواد يلعب وربنا يعوض صبره خير.
وأضاف ميدو: عواد بالمستوى ده أحسن حارس في مصر دلوقتي، وربنا كافئه على صبره.
وختم حديثه قائلا: أتشرفت بتدريب عواد في الإسماعيلي والوحدة لاعب ملتزم ومحترف وسعيد جدا بيه.
