الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

شيرين عبد الوهاب: كنت بجمل صورة حسام حبيب عشان أخلص منه.. وضيع لي حياتي

شيرين عبد الوهاب
فن
شيرين عبد الوهاب وحسام حبيب
الثلاثاء 19/يوليو/2022 - 10:22 م

كشفت الفنانة شيرين عبد الوهاب حقيقة علاقتها بـ حسام حبيب، مشيرة إلى أنها كانت تكذب وتجمل صورته أمام الناس سعيًا للتخلص منه.

وقالت شيرين عبد الوهاب في تصريحات تلفزيونية: عاوزة أستغفر ربنا لأني كدبت كتير على الناس، وحاولت أجمل صورة حسام حبيب وأنا مبحبش الكدب وكنت بجمل صورته، بس عشان يغور وأرتاح منه وعربيتي المرسيدس  كانت باسمه واتسرقت واحنا في الساحل الشمالي.

وواصلت شيرين عبد الوهاب: عشنا أنا وبناتي 4 سنوات  صعبة ومكنوش بيعرفوا يقعدوا معايا لأنه مريض بحب الامتلاك ومكنش بيشتغل ولا بيشوف أهله ولا أصحابه وخسرني أمي وأخويا وأختي، وحاول يقنعني أن كل الناس بتتأمر عليا عشان مش عاوزانا نبقى مع بعض وصدقته، لكنه شخص مارس معي كل أشكال الابتزاز. 

وأضافت شيرين: أنا عاوزة أستغفر ربنا على الكذب الي كذبته عشان أخلي صورة إنسان تبقى كويسة وأنا كذبت ودي أكتر حاجة ربنا مايحبهاش هي الكذب وأنا محبوش.. أنا كدبت في حاجات كتيرة أوي لأني بنت أصول وكنت عاوزة أرفع صورة إنسان ممكن يروح في يوم من الأيام يتجوز من عيلة تانية وأخلص منه، ولو كنت قلت كلام وحش وقتها مكنش هيعرف يتجوز وأنا نفسي يتجوز ويغور ويبعد عني.. هو ضيع لي حياتي وعيلتي وأصحابي.

تابع مواقعنا