ابنة الإعلامية شيماء جمال: مامتي كلمتني 3 مرات يوم الجريمة وقالتلي أكلي الكلاب| تحقيقات
كشفت أقوال ابنة الإعلامية شيماء جمال، التي قتلت على يد زوجها القاضي أيمن حجاج وشريكه، كواليس ما حدث في يوم اختفاء والدتها، قبل العثور عليها جثة في إحدى المزارع النائية بمنطقة البدرشين بالجيزة.
تحقيقات قضية مقتل الإعلامية شيماء جمال
وقالت ابنة الإعلامية شيماء جمال التي تدعى جنا تامر کمال، وتبلغ من العمر 12 سنة، وطالبة بالصف الأول الإعدادي أمام جهات التحقيق:
س: ما صلتك بالمتغيبة؟
ج: مامتي
س: وما عمر والدتك تحديدا ؟
ج: 37 سنة
س: وما هي طبيعة عملها تحديدا ؟
ج: مذيعة بقناة الحدث اليوم.
س. ومنذ متى وهي متزوجه من المدعو أيمن حجاج ؟
ج: من حوالي 7 سنوات
س: هل لديك أشقاء ؟
ج- لا
س: من يقيم معكم في المنزل؟
ج: أنا وماما وتيتا ياقوت والشغالة لسه جاية جديد بس تیتا یاقوت مكنتش موجودة كانت في بيتها مش موجودة.
س: وما معلوماتك بشأن الواقعة محل التحقيق ؟
ج: « اللي حصل إن يوم الاثنين 2022/6/20 ماما صحيت الصبح الساعة 8 صباحا، قعدت شويه تعلم الشغالة عشان الشغالة لسه جاية جديدة، وبعدين قالتلها على الأكل اللي هتعمله وبعدين لبست كانت رايحة الكوافير حوالي الساعة 12 مساء وكلمتني أول مكالمة الساعة 12.51 مساء وقالتلى أكلي الكلاب وكلمتني تاني مكالمة الساعة 2.12 مساء وسألتني أكلت ولا لأ والمكالمة التالتة كانت بتطمن عليا وبعد كده لما هي أخرت اتصلت بيها لقيت الموبيل مقفول وكانت الساعة 6٫49 دقيقة، وهي المفروض كانت مسافرة دبي يوم التلات فجابت محمد ده واحد قريبنا وكان بيشتغل معاها في القناة وجابت تيتا سامية علشان تقعد معانا ».
وتابعت ابنة الإعلامية شيماء جمال: « وبعد كده لما هي أخرت محمد جالي وقالي إن موبايل ماما مغلق من فترة كبيرة وبعتلها على الواتس بس الواتس مكنش مفتوح وبعد كده اتصلت ببابي أيمن حجاج أكتر من مرة وبعد كده هو اتصل بيا وقالي معلش كنت مشغول، ومعايا شغل ومشفتش الموبايل روحت قولتله مامي موبيلها مغلق قالي هو جه خدها وراحوا مشوار المفروض كانوا رايحين يتفرجوا على فيلا وبعد كده رايحين المرشدي علشان تشتری شاشة، فخلصوا مشوارهم وراحوا المرشدي ونزلها قبل المرشدي وقالتله إنها هتاخد أوبر من المرشدي تروح الكوافير وبعد کده اتصل بيها لقى تليفونها مغلق».
