أحمد رزق لـ القاهرة 24: أتشرف بتجسيد شخصية حسن أبو السعود في عمل فني
علق الفنان أحمد رزق على ترشيح رنا ابنة الموسيقار الراحل حسن أبو السعود لتجسيد شخصيته في عمل فني.
وأكد أحمد رزق لـ القاهرة 24 تشرفه بتقديم شخصية الموسيقار الراحل، قائلًا: شرف كبير ليا أني أقدم شخصيته.
وقالت رنا ابنة الموسيقار الراحل حسن أبو السعود، خلال لقائها مع القاهرة 24، إن أحمد رزق هو الفنان الأنسب لتجسيد شخصية والدها في عمل فني سواء في السينما أو الدراما.
وكشفت رنا رد فعلها بعد سماعها حديث شيرين عبد الوهاب عن والدها وما وصفه البعض بالسخرية والتنمر، قائلة: لما عرفت تأثرت جدًا ودمعت، لأنها اتقالت بطريقة غير لطيفة، ولكن أنا بلتمس لها العذر جدًا، هي لم تقصد أكيد وهي مضغوطة كفاية وعندها مشاكل كتير، وإحنا متعودين إن شيرين بتطلع تقول كلام مش متزن إلى حد ما، ولكن أنا مش هعرف أعمل أي حاجة غير إني أسامحها.
وأكدت أنها توقعت اعتذار شيرين عما بدر منها لأنها تعرف أنها لم تقصد الإساءة لوالدها، ولأن علاقتها بوالدها كانت قوية بحسب ما وصفت، معقبة: شيرين صوت بديع ومش هيتكرر بالنسبة لي، والبيت طبعًا ده كان بيتها، وبابا كانت بالنسبة له بنته وكان بيتعامل معاها بحب وسند، وهو اللي كان السبب إنه يطلعها ويوديها لـ نصر محروس ويقوله هتمضي معاها لأنها فنانة رائعة وصوتها رائع.
ابنة حسن أبو السعود توجه نصيحة لـ شيرين عبد الوهاب
ووجهت رنا حسن أبو السعود نصيحة لـ شيرين عبد الوهاب قائلة: هي نصيحة أخوية من قلبي، هقول لها: إن إحنا محتاجين أغانيها، لأنها لما انقطعت فترة كبيرة؛ أنا كنت متضايقة، وأول ما نزِّلت حاجة؛ الناس كلها اتخضِّت، عشان تسمع شيرين عملت إيه، أنا أنصحها بجد إنها مش لازم تطلع في برامج كتير تتكلم؛ لأنها أكيد لما بتسمع الكلام ده هي وبناتها، بتضايق، لأ، عايزاها تركز في إنها تطلَّع أغاني حلوة، وتفنن وتركز في صحتها وشكلها، وربنا يصلح لها أحوالها كلها، وتفضل نجمة.
