الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

ابنة خالد زكي: قلبي وجعني من أخبار مرض ووفاة والدي والموضوع سخيف

خالد زكي
فن
خالد زكي
الأحد 24/يوليو/2022 - 04:00 م

عبّرت دينا ابنة الفنان خالد زكي عن استيائها من تداول أنباء مرض ووفاة والدها عبر مختلف مواقع التواصل الاجتماعي، مشيرةً إلى أنها تشعر بغضب شديد حيال تلك الأنباء.

وقالت دينا خالد زكي خلال مداخلة هاتفية مع الإعلامية بوسي شلبي، في حلقة استضافة والدها خالد زكي ببرنامج ليالي TeN: بابا الحمد لله هو اللي لقيته باعت لي الأخبار وبيقول لي ببعتها لك عشان متقلقيش ولو سمعتي أي خبر من الأخبار ماتتخضيش، لكن أنا  قلبي وجعني جدًا والحاجات دي بتنتشر في ثانية والموضوع سخيف جدًا.

وأضافت: أحلى وأغلى أب ومفيش زيك في الكون والعالم، كل أصحابي عارفين إنه بيخاف علينا جدًا ومهما قولت مش هعرف أقول بيعمل إيه عشان يسعدنا،  إحنا مالناش غير بعض والناس مبتحسش بحد ولا بمشاعر حد، هما بيوجعوا قلبنا وبيلعبوا بالمشاعر.

وأردف خالد زكي: ربنا يسعدك أنت وأخوكي ووالدتك ويكرمك بأولادك الحلوين، أحفادي بقوا بيتصلوا بيا عمر وكريم ويسألوني يا جدو أنت تعبان؟ 

وتحدث خالد زكي عن تدهور الأحوال المادية معه خلال الفترة الماضية، قائلًا: بيعت عربيتي من 2011 على أمل إن الظروف لما تتحسن هجيب عربية، والحمد لله الظروف اتحسنت كوضع أمني ولكن أنا لحد دلوقتي بركب عربية مراتي ومش قادر أجيب عربية؛ لأني بفكر إن الفلوس اللي ممكن أجيب بيها عربية أقدر اصرفها في الأكل والالتزامات، وبحس بقهر من جوايا على الأحوال المادية بالنسبة لجيلنا، وأنا ليس لدي رصيد مادي في البنك.

تابع مواقعنا