«القايمة» تتصدر تريند تويتر.. ومتابعون: اجمد لسة في رفايع
تصدر وسم حوار القايمة تريند تويتر، وفيس بوك، بعد ساعات قليلة من مطالب الشباب بإلغاءها، وسرعان ما انقسم الأمر إلى جبهتين معارضة وموافقة، بين رواد مواقع التواصل الاجتماعي.
القايمة تتصدر تريند تويتر وفيس بوك
ونشر مستخدم عبر تويتر، جزءا من فيلم التجربة الدنماركية، للفنان عادل إمام، معلقًا عليه: لا اجمد كدا دا لسه فيه رفايع، فيما علق آخر: بعد حوار القايمة.. رايح فين يا أحمد؟!.. نازل عرض على طقم البايريكس والآركوبال جامد، وهجيب طقمين فوط للجهاز ودواسات الحمام.
وقالت متابعة أخرى: أنا لما صحيت وعرفت موضوع القايمة دا، الشبكة والمهر والمقدم والمؤخر على العريس طبعًا، الشقة والنجف والصيني والمطبخ، على العريس طبعا، أوضة النوم بقي والمطبخ وأوضة السفرة وأوضة الضيوف ع العريس طبعا.. ايه الدلع دا بس.
مطالب بإلغاء القايمة
ونشر حساب آخر صورة ساخرة للفنان محمد الشرنوبي، معلقًا عليها: الدنيا مولعة والقايمة اتلغت، والشباب اللي هيتجوز هيشتري طقم صيني، وكوبيات..المسيحيين.
بينما قال حساب آخر: أنا فرحانة إن القايمة اتلغت والله مصلحة عشان كانت بتقوم خناقات ومهازل بسببها، وكتب باسم غنام: القايمة وإن أهل العروسة يجهزوا معاك، ده عرف مجتمعي، مهر للعروسة وتجهز حاجتك أنت كاملة وتتجوز واحدة توافق بمقدرتك على الإنفاق، ده شرع، وإن أهل العروسة يجهزوا معاك ومتمضيش القايمة، ده لا طال شرع ولا طال عرف.
وعلق حساب باسم فاطمة الغرباوي: بمناسبة القائمة والمؤخر والزواج، من وجهة نظري أي علاقة أطرافها بيفكروا، بس هياخدوا إيه وهيلبسوا بعض ازاي بدل ما يفكروا كل واحد هيقدم إيه، وهيساعد ازاي اللى بينهم ده ينجح، هي علاقة فاشلة بامتياز قبل ما تبدأ سواء بقى كانت زواج أو شغل أو أي حاجة.
