عمرو مصطفى: قررت اتحدى نفسي وأقدم 55 أغنية في السنة
أعلن الفنان عمرو مصطفى عن تحدي جديد قرر أن يخوضه بتجربته في ألبومه الجديد وهو تقديم 55 أغنية على طريقة السينجل في العام الواحد.
وقال عمرو مصطفى خلال لقائه ضمن برنامج نجوم إف إم: أنا قررت أعمل 55 أغنية في السنة وأدخل تحدي بعدد الأغاني وبعد كده ممكن أطرحهم في ألبوم ولغيت يوم 20 يوليو السنة الجاية أكون طرحت 55 أغنية.
وتابع عمرو مصطفى: الفكرة جاءت لي لما لقيت العمر جري بسرعة وما حققتش حلم الغناء، أنا بلحن من 23 سنة بدأت تلحين صغير وأنا عندي 18 سنة، وفجأة بعد كورونا والثورات وقفت مع نفسي وقلت العمر جري وعايز أسيب لأولادي أغاني كثيرة، ومحتاج أحب نفسي شوية، وقلت هفكر في نفسي.
أعمال عمرو مصطفى الجديدة
وكان قد طرح عمرو مصطفى أغاني ألبومه الجديد الذي يحمل اسم غيرك مين، واستهل طرح الألبوم بأغنية إلا أنا، التي تعاون خلاله مع الشاعر الشاب مصطفى إسماعيل، وقام عمرو بكتابة كلمات الأغنية معه، كما لحم عمرو الأغنية أيضًا، أما الميكس والماستر لـ روني تايلو.
كلمات أغنية إلا أنا
وتقول كلمات الأغنية إلا أنا كالتالي: أنا واجهة غلاف السنة..عندي الخلاف حرفنة..لو هتسأل هناك أو هنا.. أنا بعدي الكلام اتفنى
إلا أنا.. في أول صف أنا وبعدي يجي ناس.. وسابق كله أنا علشان أنا الأساس.. يقولوا 100 سنة دا كله كلام اتداس.. في أول صف أنا بقالي سنين.. وحاولوا يقلدوا ومش عارفين.
